شویگو: تورکیه ایله روسیا آراسینداکی تماسلاری آرتیرماغا حاضیرام
"بو ایل موسکوا و یا آنکارادا گۆونلیک مؤوضوعلاریندا تام احاطهلی ایکیلی موشاویرهلر ائدیلمهسینی تکلیف ائدیرهم"
![شویگو: تورکیه ایله روسیا آراسینداکی تماسلاری آرتیرماغا حاضیرام](http://cdn.trt.net.tr/images/xlarge/rectangle/e6d5/044f/7ab6/6667f3e3cffa2.jpg?time=1722045745)
روسیا گۆونلیک شوراسی کاتیبی سرگئی شویگو، گۆونلیک شورالاری سویهسینده تورکیه ایله روسیا آراسینداکی تماسلاری آرتیرماغا حاضر اولدوغونو سؤیلهدی.
روسیا گۆونلیک شوراسی کاتیبلیگی مطبوعات خیدمتیندن وئریلهن آچیقلامایا گؤره، شویگو، دونن خاریجی ایشلر باخانی حاکان فیدان ایله موسکوادا بیر آرایا گلدی.
گؤروشمهده شویگو،
"گۆونلیک شورالاری سویهسینده روسیا-تورکیه تماسلارینی آرتیرماغا حاصیرام. میللی استخبارات تشکیلاتی باشقانی ابراهیم قالین، میللی ساوونما باخانی یاشار گولر و اویغون بیر زاماندا روسیایا سفرینی گؤزلهدیگیم میللی گۆونلیک قورولو کاتیبی سیفالله حاجیموفتواوغلونا سلاملاریمی چاتدیریرام. بو ایل موسکوا و یا آنکارادا گۆونلیک مؤوضوعلاریندا تام احاطهلی ایکیلی موشاویرهلر ائدیلمهسینی تکلیف ائدیرهم" شکلینده دانیشدی.
کاتیبلیکدن وئریلهن آچیقلامادا، شویگو-فیدان گؤروشمهسینده ایکیلی و چوخ طرفلی فورماتلاردا روسیا-تورکیه گۆونلیک امکداشلیغینین موذاکیره ائدیلدیگی ایفاده ائدیلهرک،
"اولوسلارآراسی و بؤلگهسل گۆونلیگین گوجلندیریلمهسی ده داخیل اولماق اوزره استراتژیک برابر ایکیلی اورتاقلیق گلیشیرمه نیتی تایید ائدیلدی" ایفادهلرینه یئر وئریلدی.