غزه-ده‌کی حکومت ایسراییله چاغیریش ائتدی

غزه-ده‌کی حکومت ایسراییلین سرحد-بوراخیلیش منطقه‌لرینی باغلاماسی و اینسانی یاردیم‌لارین بؤلگه‌یه داخیل اولماسینا مانع اولماسی نتیجه‌سینده غزه شهرینده و غزه زولاغی‌نین قوزئیینده ارزاق قیت‌لیغی‌نین یئنی‌دن باش قالدیردیغی ایله باغلی خبردارلیق ائدیب.

غزه-ده‌کی حکومتین  مئدیا اوفی‌سیندن وئریلن بیاناتدا ایسراییل اوردوسونون رفح سرحد-بوراخیلیش منطقه‌سینی ایشغال ائتمه‌سی و یاردیم ماشین‌لاری‌نین گیریشینه مانع اولماسی سببیندن اینسانی بحرانین درینلشدیگی بیلدیریلیب.

بیاناتدا ایسراییلین غزه زولاغینی محاصره‌یه آلماسی سببیندن غزه شهری ایله غزه زولاغی‌نین قوزئیینده ارزاق قیت‌لیغی‌نین یاشاندیغی قئید اولونوب.

بیاناتدا همچنین ایسراییل اوردوسونا رفح سرحد-بوراخیلیش منطقه‌سیندن گئری چکیلمه‌سی ایله علاقه‌دار چاغیریش ائدیلیب و سرحد-بوراخیلیش منطقه‌لری‌نین غزه زولاغینا یاردیم چات‌دیرماق، ارزاق تهلوکه‌سیزلیگی بحرانی‌نین و غزه-نین بوتون بؤلگه‌لرینی تهدید ائدن آجلیغین قارشی‌سینی آلماق اوچون ان اویغون و تأثیرلی اصول اولدوغو وورغولانیب.