ایسرائیل اوردوسونون غزه زولاغینا هوجوملاری
ایسرائیل قووه‌لرینین غزه شهرینین مرکزینده‌کی بیر ائوی بومبالاماسی نتیجه‌سینده آزی 10-او اوشاق اولماقلا 16 فیلیسطین‌لی حیاتینی ایتیریب، چوخلو سایدا اینسان یارالانیب
ایسرائیل اوردوسونون غزه زولاغینین شیمال و جنوبونو هدف آلان هوجوملاریندا آزی 10-او اوشاق اولماقلا 17 فیلیسطین‌لی حیاتینی ایتیریب.
فیلیسطینین وفا خبر آژانسینین معلوماتینا گؤره، ایسرائیل اوردوسو غزه زولاغینین جنوبونداکی غزه شهرینده و رفح شهرینده ایکی ائوه هوجوم ائدیب.
ایسرائیل قووه‌لرینین غزه شهرینین مرکزینده‌کی الدرج محله‌سینده بیر ائوی بومبالاماسی نتیجه‌سینده آزی 10-او اوشاق اولماقلا 16 فیلیسطین‌لی حیاتینی ایتیریب، چوخلو سایدا اینسان یارالانیب.
رفح شهرینده "الشاعر" عائله‌سینه مخصوص ائوین هدفه آلینماسی نتیجه‌سینده بیر فیلیسطین‌لی حیاتینی ایتیریب.
ایسرائیل ساواش اوچاقلارینین غزه زولاغینین جبالیا و زیتون محله‌لرینه ائندیردیگی هاوا ضربه‌لری نتیجه‌سینده آرالاریندا اوشاقلارین دا اولدوغو آزی 21 فیلیسطین‌لی حیاتینی ایتیریب، اونلارلا فیلیسطین‌لی یارالانیب.
دیگر طرفدن، ایسرائیل اوردوسو ایکی گونلوک حربی هوجوملاردان سونرا ایشغال آلتینداکی اردن چایینین غرب ساحیلینین شیمالینداکی جنین شهری و جنین قاچقینلار دوشرگه‌سیندن گئری چکیلیب.
