پاشینیان: آرتیق "تاریخی ارمنیستان" آختاریشینی دوردورمامیز لازیم
ارمنیستان میللی مجلیسینده میللت وکیللرینین سواللارینی جاوابلایان باشباخان پاشینیان، پروبلئملرین حلی اوچون یول گؤستره‌بیله‌جک بیر دؤولت گؤروشو و آنلاییشی گلیشدیره‌بیلمه‌دیکلرینی ایفاده ائتدی
ارمنیستان باشباخانی نیکول پاشینیان، آرتیق "تاریخی ارمنیستان" آختاریشینی دوردورمالاری لازیم اولدوغونو، اؤلکه‌سینین حاضردا ارمنیلرین یاشادیغی ۲۹ مین ۷۴۳ مربع کیلومتر تورپاقدان اولوشدوغونو سؤیله‌دی.
ارمنیستان میللی مجلیسینده میللت وکیللرینین سواللارینی جاوابلایان باشباخان پاشینیان، پروبلئملرین حلی اوچون یول گؤستره‌بیله‌جک بیر دؤولت گؤروشو و آنلاییشی گلیشدیره‌بیلمه‌دیکلرینی ایفاده ائتدی.
ارمنیستان باشباخانی، اؤلکه‌سینین ۱۹۹۱ده موستقیللیگینی قازاندیغیندا ۲۰ ایل سونرا نئجه اولاجاغینا دایر بیر پروگرام گلیشدیریله‌بیلمه‌دیگینی قید ائتدی.
بو پروبلئمین هله ده داوام ائتدیگینی و حقیقی بیر ارمنیستان ویزیونونون لازیم اولدوغونو وورغولایان پاشینیان، ارمنیستانین سوسیال پسیکولوژیسینده یئر آلان ان اؤنم‌لی مؤوضوعلاردان بیرینین "الدن گئتمیش ارمنیستان آختاریشی" اولدوغونو سؤیله‌دی. نیکول پاشینیان، بئله داوام ائتدی:
"بیز وطن ایچینده وطن آختاریریق. ایندی بیزیم سیاسی مئساژیمیز بودور. سئوگیلی وطنداشلار، ارمنیستان جمهوریتینین سئوگیلی وطنداشلاری. بیزیم 'تاریخی ارمنیستان' آختاریشینی دوردورمامیز لازیمدیر چونکو بو آنا وطنی تاپدیق. بو آنا وطن ۲۹ مین ۷۴۳ مربع کیلومتر اگمن تورپاقلار ایچره‌ن ارمنیستان جمهوریتیدیر".
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجه‌سینده 4 نفر اؤلوب 120 نفر‌ده خسارت آلیب
