اوکراینا قیریم کؤرپوسونو ییخماق ایستهییر
اوکراینا سلاحلی گوجلری، ایلحاق ائدیلهن قیریم و روسیا آراسیندا تک باغلانتی اولان کؤرپونو، ایستورم شادو موشکلری، پیلوتسوز دنیز آراجلاری و اف-۱۶ اوچاقلاری ایله ییخماغی پلانلاییر
اوکراینانین جولای آییندا قیریم کؤرپوسونو آغیر بومباردمان آلتیندا بوراخاراق ییخیلابیلهجگی ایفاده ائدیلدی.
اینگیلیس د سان قزئتینین خبرینه گؤره اوکراینا سلاحلی گوجلری، ایلحاق ائدیلهن قیریم و روسیا آراسیندا تک باغلانتی اولان کؤرپونو، ایستورم شادو موشکلری، پیلوتسوز دنیز آراجلاری و اف-۱۶ اوچاقلاری ایله ییخماغی پلانلاییر.
د سان، کیئوین باتییا هدفلری وورما و هوجوم عملیاتلاری ایجرا ائتمه قونوسونداکی قابیلیتینی گؤسترمک ایستهدیگینی و کؤرپونو ۱۰۰ گونده ییخماغا چالیشاجاغینی، بونون اؤلکهنین سلاحلی گوجلرینین بیر نؤمرهلی هدفی اولدوغونو ایفاده ائتدی.
اوکراینا دؤولت باشقانی وولودیمیر زلنسکی، جولای آییندا، کؤرپونو دؤوره دیشی بوراخماق اوچون ایشه داوام ائدجکلرینی، چونکو بورانین، سلاحلارین قیریما گؤندریمی اوچون ایستیفاده ائدیلهن آنا یول اولدوغونو سؤیلهمیشدی. زلنسکی، کیئوین قیریم کؤرپوسونو ییخماق اوچون قانونی و اخلاقی حاقلارا صاحب اولدوغونون و بو حاقلاری شوبههسیز ایستیفاده ائدجیگینی وورغولامیشدی.