ابراهیم رئیسی ولادیمیر پوتین ایله تلفن دانیشیغی آپاریب
کرملیندن وئریلن معلوماتا گؤره، پوتین ایران طرفینین طلبی ایله رئیسی ایله تلفن دانیشیغی آپاریب.
روسیه پرزیدنتی ولادیمیر پوتین، ایران پرزیدنتی ابراهیم رئیسی ایله تلفن دانیشیغیندا یاخین شرقدهکی وضعیتی موذاکیره ائدیب.
کرملیندن وئریلن معلوماتا گؤره، پوتین ایران طرفینین طلبی ایله رئیسی ایله تلفن دانیشیغی آپاریب.
"ایسرائیلین، ایرانین سوریهدهکی دیپلوماتیک تمثیلجیلیگینه هوجوموندان سونرا یاخین شرقدهکی وضعیت و ایرانین بونا قارشی تدبیرلر گؤرمهسی"نین قییمتلندیریلدیگی گؤروشده پوتین "بوتون طرفلر تمکین نوماییش ائتدیرهجک و بوتون بؤلگه اوچون فلاکتلی نتیجهلر یاراتاجاق یئنی گرگینلییه یول وئرمهیهجک" اومیدینی پایلاشیب.
ایران پرزیدنتی رئیسی وورغولاییب کی، ایرانین بو حرکتلری ضروری و محدوددور و گلهجکده گرگینلیگین آرتماسینین طرفداری دئییل.
گؤروش زامانی ایکی لیدر "فیلیسطین-ایسرائیل پروبلمینین حللینین اولماماسینین یاخین شرقدهکی حادیثهلره سبب اولدوغونو“ بیلدیریب و علاوه ائدیب، ”روسیه و ایران تجیلی اولاراق غزه زولاغیندا آتیشکسی تامین ائدیلمهسی، چتین اولان اینسانی وضعیتین یونگوللشدیریلمهسی، بحرانین سیاسی-دیپلوماتیک واسیطهلرله حللی اوچون لازیمی شرایط یارادیلماسی“ اوچون اساس وضعیتی تایید ائدیبلر.
گؤروش زامانی روسیه ایله ایران آراسیندا علاقهلرده موذاکیره ائدیلیب، گلهجکده موختلیف ساحهلرده، او جوملهدن آلتیاپی پروژهلرینین حیاتا کئچیریلمهسینده امکداشلیغین اینکیشاف ائتدیریلمهسینین واجیبلیگی وورغولانیب.