ایسرائیلین ساواش کابینهسی یئنیدن ایجلاس کئچیریر
ساواش کابینهسینین عضولرینین ایرانا جواب وئرمکده راضیلاشدیقلاری، لاکین زامان و اوصوللا باغلی فرقلی فیکیرلر سؤیلدیکلری قید ائدیلیب
ایسرائیلین ساواش کابینهسی ایرانین 13 آوریل هوجومونا ”جوابی” موذاکیره ائتمک اوچون 15 آوریلده یئنیدن ایجلاس کئچیریر.
14 آوریلده ساواش کابینهسی ایرانا جوابی موذاکیره ائتمک اوچون توپلاشیب و ایسرائیل مطبوعاتیندا چیخان خبرلرده ساواش کابینهسینین عضولرینین فرقلی فیکیرلره صاحیب اولدوغو و فیکیربیرلیگینین الده اولونمادیغی یازیلیب.
خبرده ساواش کابینهسینین عضولرینین ایرانا جواب وئرمکده راضیلاشدیقلاری، لاکین زامان و اوصوللا باغلی فرقلی فیکیرلر سؤیلدیکلری قید ائدیلیب.
ایسرائیل آوریلین 1-ده ایرانین دمشقدهکی کونسوللوغونون بیناسینا هاوا هوجومو حیاتا کئچیریب، نتیجهده ایکیسی ژنرال اولماقلا ایران اینقیلابی کئشیکچیلری اوردوسوندان 7 نفر هلاک اولوب.
ایران بیان ائتمیشدی کی، ایسرائیلین ایران کونسوللوغونا هوجوم اونون اؤلکه اراضیسینه هوجوم دئمکدیر و اونلار بونا جاواب وئرجکلر.
ایسرائیلده ایرانین هوجوملارینا جاواب وئرجیینی بیان ائدیب.
اؤتن گئجه ایران یوزلرله کامیکازه پیلوتسوز اوچوش آپاراتی، بالیستیک و قانادلی راکتلرله ایسرائیله هوجوم ائدیب و بعضی حربی هدفلرین وورولدوغونو آچیقلاییب.
ایسرائیل بیلدیریب کی، هوجوملارین اکثرییتینین قارشیسی هاوا هوجومو مودافیعه سیستملری طرفیندن آلینیب، لاکین بیر راکئت جنوبداکی حربی تاسیساتا دوشوب.