بنیامین نتانیاهو ایرانی تهدید ائدیب
بنیامین نتانیاهو: کیم بیزه پیسلیک ائدرسه و یا بیزه ضرر وئرمهیی پلانلاشدیریرسا، بیزده اونا ضرر وئرجییک
ایسرائیلین باش ناظیری بنیامین نتانیاهو ایرانا و اونون دستکلدیگی وکیل گروهلارا ”کیم بیزه ضرر وئررسه و یا بیزه ضرر وئرمهیی پلانلاشدیریرسا، بیزده اونلارا ضرر وئرجییک“ دئیه افادهلری ایله تهدید ائدیب.
ایسرائیلین باش ناظیرینین مطبوعات خیدمتینین وئردیگی آچیقلامایا گؤره، نتانیاهو تهلوکهسیزلیک کابینهسینین ایجلاسینین اوولینده آچیقلاما وئریب.
ایرانین ایللردیر بیرباشا و یا وکیللری واسطهسیله ایسرائیله قارشی فعالیت گؤستردیگینی ایفاده ائدن نتانیاهو، "بو سببدن ایسرائیل، ایران و وکیللرینه قارشی مدافعه و هوجوم کاراکترلی حرکت ائدیر" دئدی.
”کیم بیزه پیسلیک ائدرسه و یا بیزه ضرر وئرمهیی پلانلاشدیریرسا، بیزده اونا ضرر وئرجییک“ ایفادهلرینی ایشلدن بنیامین نتانیاهو، ”ساده پرینسیپ“له حرکت ائتدیکلرینی بیلدیریب.
ایسرائیلین لیسان آیینین 1-ده ایرانین دمشقدهکی سفیرلیگی یئرلشکهسیندهکی کونسوللوق بیناسینا حیاتا کئچیردیگی هاوا هوجوموندا 2-سی ژنرال اولماقلا ایران انقلاب کئشیکچیلری اوردوسوندان عمومیلیکده 7 نفر هلاک اولوب. هوجومدا 6 سوریه وطنداشینین هیاتینی ایتیردیگی ده بیلدیریلیب.
ایران هوجوما تئز جاواب وئرجهیینی آچیقلاییب و حادثهیه گؤره آمریکا مسئولدور دئییب. تلآویو دؤولتی دمشقدهکی ایران کنسوللوغونون بیناسینا هوجوما گؤره مسولییتی رسمی اولاراق اوزرینه گؤتورمهییب.
ایسرائیل اوردوسو "هاوا مدافعهسینی گوجلندیرمک" اوچون احتیاط عسگرلری چاغیراجاغینی و ایرانین دمشقدهکی کونسوللوق بیناسینا هوجوموندان سونرا بوتون عسگرلرین ائو اجازهلرینین لغو ائدیلدیگینی آچیقلاییب.