پوتیندن اف-۱۶ آچیقلاماسی
اف-۱۶ ساواش اوچاقلارینین نوۆوه سلاحی داشیما قابیلیتی اولدوغونا دا دقت چکهن پوتین، بو اوچاقلارلا موباریزه ائدرکهن بونو حسابا قاتاجاقلارینی ایفاده ائتدی
روسیا دؤولت باشقانی ولادیمیر پوتین، اوکراینایا وئریلهجک اف-۱۶ ساواش اوچاقلارینین، اوچونجو اؤلکهلرین هاواآلانلارینی اؤزلرینه قارشی ایستیفاده ائتمهلری حالیندا، مشروع هدفلری اولاجاغینی سؤیلهدی.
ولادیمیر پوتین، توئر بؤلگهسینده ساوونما باخانلیغینین اوردو هاواچیلیق تعلیم مرکزینی گزدی.
عسگری پیلوتلارلا صحبت ائدن پوتین، هاواچیلیق بیریمینین اوکرایناداکی چاتیشمالاردا مکمل چالیشدیغینی و نتیجهیه قاتقی تامین ائتدیگینی ایفاده ائتدی.
اؤزونون ده ساواش اوچاغی ایله بیر نئچه دفعه اوچدوغونو و ساواش اوچاغی پیلوتلارینین ایشینین چتین اولدوغونو ایفاده ائدن پوتین، چاتیشما بؤلگهسینده روس سو-۳۴ بومباردمان اوچاغی، سو-۳۰ و سو-۵۷ یئنی مدل ساواش اوچاقلارینین چوخ یاخشی ایشلر گؤردوگونو قید ائتدی.
باتی اؤلکهلرینین اوکراینایا اف-۱۶ ساواش اوچاغی وئرمه پلانی و اوکراینالی پیلوتلارین تعلیمی ایله باغلی اولاراق دا دگرلهندیرمهلر وئرن روس لیدئر،
"بو، چاتیشما ساحهسینده هئچ بیر شئیی دییشدیرمهیهجک. بو گون چوخلو آتما سیستملری داخیل تانکلاری، زرهلی واسطهلری و دیگر عسگری تجهیزاتلاری یوخ ائتدیگیمیز کیمی (اف-۱۶ مدل) اوچاقلاری ده یوخ ائدجییک" دئیه دانیشدی.
اف-۱۶ ساواش اوچاقلارینین نوۆوه سلاحی داشیما قابیلیتی اولدوغونا دا دقت چکهن پوتین، بو اوچاقلارلا موباریزه ائدرکهن بونو حسابا قاتاجاقلارینی ایفاده ائتدی.
اوکراینایا وئریلهجک بو اوچاقلارین ناتو هاواآلانلاردان قالخماسی حالیندا نه ائدیلهجگینه ده آچیقلیق گتیرهن ولادیمیر پوتین،
"البته بو اوچاقلار اوچونجو اؤلکهلرین هاواآلانلاردان قالخسا، هارادا اولسالار اولسونلار بیزیم اوچون مشروع هدف حالینا گلهجک" شکلینده دانیشدی.
پوتین، آمریکانین ساوونما خرجلهمهلرینین روسیادان داها چوخ اولدوغونا دقت چکهرک، روسیانین ناتو ایله ساواشماغی پلانلادیغی و بالتیک اؤلکهلری و لهستانا هوجوم ائتمه احتیمالی ادعالارینین ایسه آنلامسیز اولدوغونو سؤیلهدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.