محمود عباس: غزه فیلیسطین دؤولتینین آیریلماز پارچاسیدیر
غزه زولاغی ایله فیلیسطین خالقینین قالانینی آییرما، اراضیسینین بیر قاریشینی بئله کسمه، اشغالچیلارین یئنیدن اشغال کیمی پلانلارینی قبول ائتمک و یا اله آلماق مومکون دئییل
فیلیسطین پرزیدنتی محمود عباس غزهنین فیلیسطین دؤولتینین آیریلماز پارچاسی اولدوغونو وورغولاییب.
فیلیسطینین وافا خبر آژانسینین معلوماتینا گؤره، محمود عباس فیلیسطینه سفر ائدن آلمانین خاریجی ایشلر ناظیری آنالئنا بائربوکو راماللهدا قبول ائدیب.
گؤروشده عباس ایسرائیلین فیلیسطین خالقینا، خصوصی ایله ده غزه زولاغینا قارشی هوجوملاری و سویقیریم محاربهسینه سون قویماق اوچون گؤستردیگی سعیلر بارهده بائربوکا معلومات وئریب.
بیرلشمیش میللتلر تشکیلاتینین تهلوکهسیزلیک شوراسینین قبول ائتدیگی آتیشکس قرارینین حیاتا کئچیریلمهسینین واجیبلیگینی وورغولایان عباس، داوام ائدن "بربر" هوجوملار نتیجهسینده فیلیسطین خالقینین معروض قالدیغی آجلیغین قارشیسینی آلماق اوچون اولوسلارآراسی اجتماعیاتی بوتون غزه زولاغینا اینسانی و طبی یاردیمین بوتون کئچید منطقهلریندن چاتدیریلماسی اوچون قوهلری بیرلشدیرمیه چاغیریب.
فیلیسطین وطنداشلارینین اؤز تورپاقلاریندان چیخاریلماسی پلانلاری ایله باغلی عباس دئییب:
"فیلیسطین دؤولتی ایستر غزه زولاغیندا، ایسترسه ده اردن چایینین باتی ساحلینده، او جملهدن شرقی قدسده اولان فیلیسطین وطنداشلارینین تحجیرینی قطعی شکیلده رد ائدیر. غزه فیلیسطین دؤولتینین آیریلماز پارچاسیدیر. غزه زولاغی ایله فیلیسطین خالقینین قالانینی آییرما، اراضیسینین بیر قاریشینی بئله کسمه، اشغالچیلارین یئنیدن اشغال کیمی پلانلارینی قبول ائتمک و یا اله آلماق مومکون دئییل."
بیرلشمیش میللتلر تشکیلاتینین تهلوکهسیزلیک شوراسیندا کئچیریلن سسوئرمهده غزهده قالیجی و داواملی اولاجاق "رمضان آییندا درحال آتیشکس" یارادیلماسینا دایر قطعنامه لاییحهسی قبول ائدیلیب.
قطعنامه لاییحهسی 14 "اولور" و آمریکانین 1 "طرفسیز" سسی ایله قبول ائدیلیب.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.