کرملین: سوروشدورمانین سونوجونو گؤزله‌مک لازیمدیر
"تأسف کی، دونیامیز گؤستریر کی هئچ بیر شهر هئچ بیر اؤلکه تامامی ایله ترور تهدیدیندن معاف اولابیلمز"
روسیا دؤولت باشقانلیغی سارایی کرملین سؤزچوسو دمیتری پئسکوو، موسکواداکی ترور سالدیریسییلا باغلی سوروشدورمانین سۆردوگونو ایفاده ائد‌رک، سالدیرینی تشکیل ائدن هؤرگوتله باغلی گوونلیک گوجلریندن گله‌جک بیلگینی گؤزله‌مک لازیم اولدوغونو سؤیله‌دی.
سؤزچو پئسکوو، روس مقاملارین، موسکواداکی کروکوس سیتی هول کونسرت سالونوندا تشکیل ائدیله‌ن سالدیرینی ترور هؤرگوتو داعشین ائتدیگینه باغلی احتیماللاردان بحث ائتمه‌مه‌سینه باغلی سوالی جاوابلادی.
سالدیری ایله باغلی سوروشدورمانین سۆردوگونه دقت چکه‌ن پئسکوو،
"هله دوزگون بیر یوروم دیله گتیریلمه‌دی. سوروشدورما سۆرور. یالنیز اؤن بیلگیلردن بحث ائدیلدی. بو آنا قدر اورتایا هر هانسی بیر ورژن قویولمادی" ایفاده‌لرینی ایشلتدی.
پئسکوو، سوروشدورما داوام ائتدیگی اوچون قونویلا باغلی گوونلیک گوجلریندن گله‌جک بیلگینی گؤزله‌مک لازیم اولدوغونو وورغولادی.
موسکواداکی ترور سالدیریسینی روس استخباراتینین باشاریسیزلیغی اولاراق دگرلندیریب دگرلندیرمه‌دیگی سوالینا پئسکوو،
"تأسف کی، دونیامیز گؤستریر کی هئچ بیر شهر هئچ بیر اؤلکه تامامی ایله ترور تهدیدیندن معاف اولابیلمز" جاوابینی وئردی.
تروریزم ایله موباریزه‌ده امکداشلیغین اؤنمینه دقت چکه‌ن پئسکوو،
"تروریزم ایله موباریزه، تام بیر اولوسلارآراسی امکداشلیق طلب ائدن دائمی بیر سۆره‌جدیر. آنجاق ایندی چاتیشمالارین ان چوخ آرتدیغی دؤنمده بو امکداشلیق تام اولاراق ایجرا ائدیله‌بیلمیر" دئیه دانیشدی.
پئسکوو، موسکواداکی ترور سالدیریسییلا باغلی باتی ایله هئچ بیر تماسین اولمادیغینی دا ایفاده ائتدی.
روسیانین باشکندی موسکواداکی کروکوس بلدیه بیناسیندا جمعه گونو تشکیل ائدیله‌ن ترور سالدیریسیندا حیاتینی ایتیره‌نلرین ساییسی ۱۳۷ نفره یوکسلمیشدی.
سالدیرییلا باغلی گؤزآلتینا آلینان ۱۱ نفردن دؤردونون ۲۲ میه قدر توتوقلو قالماسینا قرار وئریلمیشدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
