تورکیه و قطر تخلیه ائدیلن فیلیسطینلی یارالیلاری دوحه‌ده بیر آرایا گتیریب
تورکیه‌ده معالجه‌سی تاماملانان یارالیلارین دوحه‌یه آپاریلاراق عائله‌لرینه قوووشدوغو بیلدیریلیب
تورکیه و قطر ایسرائیلین غزه‌یه هجوملاری نتیجه‌سینده تخلیه ائدیلن فیلیسطینلی یارالیلاری قطرین پایتختی دوحه‌ده بیر آرایا گتیریب.
قطر خاریجی ایشلر ناظرلی‌یینین یازیلی آچیقلاماسیندا غزه زولاغیندا یارالانان فیلیسطینلیلرین دوحه‌ده‌کی یاخینلارینا قوووشدورولماسی اوچون تورکیه‌‌یله اَمکداشلیغین اولدوغو قید ائدیلیب.
آچیقلامادا غزه‌دن تخلیه ائدیلن یارالیلارین بیر قیسمینین تورکیه‌ده، بعضیلرینین ایسه دوحه‌ده معالجه آلدیغی، تورکیه‌ده معالجه‌سی تاماملانان یارالیلارین دوحه‌یه آپاریلاراق عائله‌لرینه قوووشدوغو بیلدیریلیب.
قطرین اولوسلارآراسی اَمکداشلیق اوزره دولت ناظری لولوة الخاطر قطرین رسمی خبر آژانسی کیوان‌ای-ه وئردیگی آچیقلامادا، دوحه‌ده یارالانان فیلیسطینلیلرین قوهوملارینا قوووشدورولماسینی باشا چاتدیرماقدا گؤستردیگی اَمکداشلیغا گؤره تورکیه‌یه تشکورونو و تقدیرینی بیلدیریب.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
