هلاک اولان فیلیسطین‌لیلرین سایی 31923 نفره چاتیب

ایسراییل اوردوسونون 7 اوکتبردان بو یانا غزه زولاغینا حیاتا کئچیردیگی هوجوم‌لاردا حیاتینی ایتیرن‌لرین سایی سون 24 ساعاتدا 104 نفر آرتا‌راق 31 مین 923 نفره چاتیب.

فیلیسطین ساغلیق ناظیرلیگیندن وئریلن آچیقلامادا ایسراییلین 166 گون‌دور غزه زولاغیندا حیاتا کئچیردیگی هوجوم‌لارلا باغلی معلومات وئریلیب.

ایسراییل قوه‌لری‌نین غزه زولاغینا سون 24 ساعاتدا تشکیل ائتدیگی هوجوم‌لاردا داها 104 فیلیسطین‌لی‌نین حیاتینی ایتیردیگی، 162 فیلیسطین‌لی‌نین ایسه یارالاندیغی بیلدیریلیب.

ایسراییلین اوکتبرین 7-دن اعتباراً غزه زولاغینا تشکیل ائتدیگی هوجوم‌لاردا اؤلن‌لرین سایی‌نین 31923-ا، یارا‌لی‌لارین سایی‌نین ایسه 74096-یا یوکسلدیگی بیلدیریلیب.

داغینتی‌لار آلتیندا و یول کناریندا اؤلولرین اولدوغونو، لاکین ایسراییل قوه‌لرینین مانعه‌سی سببیندن ساغلیق قروپ‌لاری و سیویل ساوونما امکداش‌لاری‌نین بؤلگه‌یه داخیل اولا بیلمه‌دیگینی قئید ائدیب.