پاکیستان افغانیستانی بومبالادی
پاکیستان اوردوسو سحر ساعاتلاریندا، افغانیستانین پاکیستان سرحدیندهکی خوست و پکتیکا ویلایتلرینده پاکیستان طالبانینا عاید اولدوغو ادعا ائدیلهن سیغیناقلاری هدف آلدی
پاکیستان، افغانیستاندا پاکیستان طالبانینا عاید اولدوغو ادعا ائدیلهن سیغیناقلاری بومبالادی.
آدینین آچیقلانماسینی ایستهمهیهن پاکیستانلی ایکی گوونلیک و استخبارات وظیفهلیسینه دایاندیریلان بیلگییه گؤره، اوردو سحر ساعاتلاریندا، افغانیستانین پاکیستان سرحدیندهکی خوست و پکتیکا ویلایتلرینده پاکیستان طالبانینا عاید اولدوغو ادعا ائدیلهن سیغیناقلاری هدف آلدی.
پاکیستان اوردوسو قونویلا باغلی آچیقلاما وئرمزکهن، پاکیستان طالبانی سالدیریلاری دوغرولادی.
افغانیستانداکی طالبان یؤنهتیمی سؤزچوسو ذبیحالله مجاهد، پکتیکانین بارمال بؤلگهسیندهکی سالدیریلاردا ۳ قادین و ۳ اوشاغین، خوستداکی سالدیریلاردا ایسه ۲ قادینین اؤلدوگونو ایفاده ائدرک حادثهنی قینادی.
۱۶ مارسدا، پاکیستانین خبیر پختونخوا ویلایتیندهکی شیمال وزیریستان بؤلگهسینده عسگری مرکزه بومبا یوکلو ماشینلا سالدیری تشکیل ائدیلمیش، آردیندان چوخ ساییدا انتحار سالدیریسی گئرچکلشدیریلمیشدی. سالدیریلار و آردیندان تشکیل ائدیلهن عملیاتدا، ۷ پاکیستان عسگری حیاتینی ایتیرمیش، ۶ سالدیرقان اؤلدورولموشدو.
پاکیستان جمهورباشقانی آصفعلی زرداری، عسگرلرین جنازه مراسیمینده ایشتیراک ائتمیش و قارشیلیق سؤزو وئرمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.