ایسرائیلین غزه زولاغینا هوجوملاریندا اؤلو سایی
ایسرائیلین غزه زولاغیندا داوام ائدن هوجوملاریندا حیاتینی ایتیرنلرین سایی 31 مین 341، یارالانانلارین سایی ایسه 73 مین 134-ه یوکسلدیگی آچیقلانیب
ایسرائیلین خالقی آج-سوسوز قالماغا مجبور ائتدیگی و یاردیمین چاتماسینا مانع اولاراق اینسانی فلاکته سبب اولدوغو 7 اوکتبردان بری داوام ائدن غزه زولاغینا هوجوملاریندا حیاتینی ایتیرن فیلیسطینلیلرین سایی سون 24 ساعاتدا 69 نفر آرتاراق 31 مین 341-ه چاتیب.
غزه‌ده فیلیسطین ساغلیق ناظیرلیگی طرفیندن وئریلن یازیلی آچیقلامادا ایسرائیلین 160 گوندور حیاتا کئچیردیگی هوجوملارلا باغلی معلومات وئریلیب.
آچیقلامادا ایسرائیلین سون 24 ساعاتدا غزه زولاغیندا حیاتا کئچیردیگی هوجوملار نتیجه‌سینده 69 فیلیسطینلینی اؤلدوردویو، حیاتینی ایتیرنلرین سایی 31 مین 341-ه چاتدیغی بیلدیریلیب.
سون هوجوملاردا 110 نفرین یارالانماسیندان سونرا یارالانانلارین سایی ایسه 73 مین 134-یا یوکسلدیگی آچیقلانیب.
ساغلیک ناظیرلیگینین آچیقلاماسیندا داغینتیلار آلتیندا و یول کناریندا هله ده اؤلنلرین اولدوغو، لاکین ایسرائیل قووه‌لرینین مانعی اوزوندن ساغلیق گروپلارینین و مولکی مودافیعه ایشچیلرینین جسدلره چاتا بیلمدیگی وورغولانیب.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
