حسن نصرالله: ایسرائیل حماس و موقاویمتی یوخ ائدهبیلمز
نصرالله: ایسرائیل لبنانلا گونئی سرحدینده باش وئرن قارشیدورمالاردا اؤلدورولن عسگرلرین و حربی ماشینلارین سایینی "بؤیوک گیزلیلیکله" آچیقلاماییب
حزبالله حرکاتینین باش کاتیبی حسن نصرالله بیان ائدیب کی، ایسرائیلین باش ناظیری بنیامین نتانیاهو حماسی محو ائدهبیلمز. حزبالله حرکاتینین باش کاتیبی نصرالله رمضان آیی موناسیبتیله تشکیل اولونان پروگرامدا ویدئوکنفرانس واسیطهسیله ایشتیراک ائدیب.
ایسرائیلین 7 اوکتبردان بری غزهیه هوجوملارینا توخونان نصرالله نتانیاهویا "رفح بؤلگهسینه گیرسهلر بئله، موحاریبهنی اودوزدولار، حماس و موقاویمتی یوخ ائدهبیلمزلر" دئدی.
نصرالله وورغولاییب کی، ایسرائیل لبنانلا گونئی سرحدینده باش وئرن قارشیدورمالاردا اؤلدورولن عسگرلرین و حربی ماشینلارین سایینی "بؤیوک گیزلیلیکله" آچیقلاماییب.
ایسرائیلین لبنانین جنوبونا ائندیردیگی هاوا هوجوملاری نتیجهسینده 5 آیدا باش وئرن «ایقتیصادی ایتکیلره» توخونان نصرالله، «لبنانین گونئییندهکی ایقتیصادی ایتکی، ایشغالین (ایسرائیلین) قوزئیدهکی آغیر ایتکیسی ایله موقاییسه ائدیله بیلمز." دئدی.