ایسرائیلین غزه زولاغینا هوجوملاریندا آجلیقدان اؤلنلر

ایسرائیلین خالقی آج-سوسوز قالماغا مجبور ائتدیگی و اینسانی فلاکته سبب اولدوغو غزه زولاغینا 7 اوکتبردان بری داوام ائدن هوجوملاریندا حیاتینی ایتیرن فیلیسطینلیلرین سایی 31 مین 184-ه چاتیب.

غزه‌ده فیلیسطین ساغلیق ناظیرلیگی طرفیندن وئریلن یازیلی آچیقلامادا ایسرائیلین 158 گوندور حیاتا کئچیردیگی هوجوملارلا باغلی معلومات وئریلیب.

آچیقلامادا ایسرائیلین سون 24 ساعاتدا غزه زولاغیندا حیاتا کئچیردیگی هوجوملار نتیجه‌سینده 72 فیلیسطینلینی اؤلدوردویو، 129 نفری ده یارالادیغی بیلدیریلیب.

ایسرائیلین 7 اوکتبردان بری غزه زولاغیندا داوام ائدن هوجوملاریندا حیاتینی ایتیرنلرین سایی 31 مین 184، یارالانانلارین سایی ایسه 72 مین 889-ا یوکسلدیگی آچیقلانیب.

ایسرائیلین هوجوملاریندا حیاتینی ایتیرنلرین یوزده 72-نین اوشاق و قادین اولدوغونو بیلدیریلن اشرف القدری، آجلیق و سوسوزلوقدان اؤلنلرین سایی دا 27 اولدوغونو قئید ائدیب.

ساغلیک ناظیرلیگینین آچیقلاماسیندا داغینتیلار آلتیندا و یول کناریندا هله ده اؤلنلرین اولدوغو، لاکین ایسرائیل قووه‌لرینین مانعی اوزوندن ساغلیق گروپلارینین و مولکی مودافیعه ایشچیلرینین جسدلره چاتا بیلمدیگی وورغولانیب.