ایران آمریکانی خسارته محکوم ائتدی
تهران اولوسلارآراسی حقوق محکمهسی، ۱۱۶ نفرین ائتدیگی شیکایتده، آمریکا حکومتینین مادی، معنوی و تنبیهی خسارت اؤدمهسی یولوندا قرار وئردی
ایران، ۲۰۰۸ده شیرازداکی ترور سالدیریسیندا رولو اولدوغو ادعاسییلا آمریکا بیرلشمیش دؤولتلرینی تخمیناً ۲،۵ میلیارد دلار خسارته محکوم ائتدی.
ایران رسمی خبر آژانسی ایرنایا گؤره، تهران اولوسلارآراسی حقوق محکمهسی، ترور سالدیریسینین قوربانلارینین و ضرر گؤرونلرینین یاخینلاریندان عبارت اولان ۱۱۶ نفرین ائتدیگی شیکایتده، آمریکا حکومتینین مادی، معنوی و تنبیهی خسارت اؤدمهسی یولوندا قرار وئردی.
"تندر" و "ایران شاهلیق مجلیسی" آدییلا بیلینهن آمریکا مرکزلی رژیم قارشیدی قروپون ۲۰۰۸ده شیرازدا ۱۴ نفرین حیاتینی ایتیردیگی ترور سالدیریسینی تشکیل ائتدیگینین ایفاده ائدیلدیگی قراردا، آمریکا حکومتی ده سؤزو گئدن تشکیلاتا دستک وئردیگی ادعاسییلا ۲ میلیارد ۴۷۸ میلیون دلار خسارته محکوم ائدیلدی.
جمشید شارمهد آدلی آلمان وطنداشی بیر شخصین باشچی اولدوغو دئییلهن آمریکا مرکزلی رژیم قارشیدی و مونارشی یانلیسی تشکیلات، ۱۲ آوریل ۲۰۰۸ده شیراز شهرینده ۱۴ نفرین اؤلومونه و ۲۱۵ نفرین ده یارالانماسینا یول آچان ترور سالدیریسی ایله اؤلکهده بعضی سلاحلی حرکتلر و تخریباتلار تشکیل ائتمکله سوچلانیر.
ایران استخبارات باخانلیغی، ایران-آلمان ایکیلی وطنداشی اولان و ۲۰۰۳دن بو یانا آمریکادا ایقامت ائتدیگی بیلینهن شارمهدی، جولای ۲۰۲۰ده خاریجده توتاراق اؤلکهیه آپاردیغینی بیلدیرمیشدی.
شارمهد، فوریه ۲۰۲۳ده محاکیمه اولوندوغو تهران اینقیلاب محکمهسی طرفیندن "ترور ائیلملری پلانلاماق و ایداره ائتمک یولویلا یئر اوزونده افساد" سوچلاماسییلا اؤلوم جزاسینا چارپدیریلمیشدی.
آلمان خاریجی ایشلر باخانلیغی، شارمهد حاقیندا وئریلهن و "اؤزباشینالیق" اولاراق تانیملادیغی اعدام قرارینین لغو ائدیلمهسی چاغریسی ائتمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.