ایراندان امارات و کویته تپکی
ایران، بصره کؤرفزیندهکی اوچ آدا حاقیندا امارات و کویتین وئردیگی اورتاق آچیقلامانی "موداخیلهچی" اولاراق دگرلندیردی
ایران، اؤز کنترلوندا اولان و بیرلشمیش عرب امرلیکلرینین ده اگمنلیک ادعاسی اولدوغو بصره کؤرفزیندهکی اوچ آدا حاقیندا امارات و کویتین وئردیگی اورتاق آچیقلامانی "موداخیلهچی" اولاراق دگرلندیردی.
ایران خاریجی ایشلر باخانلیغی سؤزچوسو ناصر کنعانی، مؤوضوع ایله باغلی اولاراق "ابو موسی، بؤیوک تنب و کیچیک تنبدان عبارت اولان اوچ آدا، ایران تورپاقلارینین آیریلماز و ابدی بیر پارچاسیدیر و سؤزو گئدن آچیقلامادا و یا دیگر ییغینجاقلاردا تکرارلانان ایفادهلر سیاسی و حقوقی دگردن یوخسوندور و ایرانین ایچ ایشلرینه موداخیله قبول ائدیلیر" ایفادهلرینی ایشلتدی.
کنعانی، اؤلکهسینین آدالار اوزریندهکی اگمنلیگینی هئچ بیر زامان موذاکیرهیه آچیق بیر مؤوضوع اولاراق گؤرمهدیگینی ایفاده ائتدی.
کویت امیری شیخ مشعل الاحمد الجابر الصباح، دونن اماراتا گئدرک بو اؤلکهنین دؤولت باشقانی محمد بن زاید آل نهیان ایله بیر آرایا گلمیشدی.
گؤروشمه سونراسیندا ایکی اؤلکه طرفیندن یاییملانان اورتاق آچیقلامادا، بصره کؤرفزیندهکی اوچ آدا حاقیندا اماراتین اگمنلیک ادعالاری وورغولانمیشدی.
هرمز بوغازینا یاخینلیغی و بؤلگهدهکی نفت پتانسیلی سببی ایله استراتژیک مؤقعیتده یئر آلان ابو موسی، بؤیوک تنب و کیچیک تنب آدالارییلا اباغلی ایران و اماراتین حاکمیت ادعاسی وار.
آدالار ۱۹۷۱ ایلینه قدر اینگیلیس ایشغالی آلتیندا ایدی. نویامبر ۱۹۷۱ده اینگیلترهنین آدالارین کنترلونو اماراته تحویل وئرهرک چکیلمهسیندن همن سونرا ایران آدالاردا حاکمیتی اله گئچردی. امارات، آدالارا عسگری گوجلرینی قونوشلاندیران ایرانی "ایشغالچی" اولاراق تانیملاییر. آدالار اوزریندهکی حاقلارینین تاریخی اولاراق چوخ اسکی زامانلارا دایاندیغی تزینی ایرلی سورهن ایران، بو تورپاقلارین گئچیجی اولاراق ۱۹۰۳ده اینگیلیسلرین الینه گئچدیگینی و ۱۹۷۱ده قایتاریلدیغینی، بو سبب ایله "او تاریخده هله قورولمامیش اولان اماراتین حاکمیت ادعاسینین اولابیلمهیهجگینی" ساوونور.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.