ایسرایلین غزه زولاغینا ائتدیگی هوجوملار

ایسرایلین غزه زولاغینا ائتدیگی هوجوملاردا هلاک اولان فیلیستینلیلرین سایی 30 مین 631-ه یوکسلیب.

غزه‌ده فیلیسطین ساغلیق ناظیرلیگی طرفیندن وئریلن یازیلی آچیقلامادا ایسرائیلین غزه زولاغینا سون 24 ساعاتدا ائتدیگی 10 هوجومدا حیاتینی ایتیرن فیلیسطینلیلرین سایی 97 نفر و یارالانانلارین سایی ایسه 123 نفر آرتیب.

7 اوکتبردان بری داوام ائدن هوجوملاردا حیاتینی ایتیرنلرین سایی 30 مین 631، یارالانانلارین سایی ایسه 72 مین 43-ا یوکسلدیگی آچیقلانیب.

ایسرائیلین ساواش اوچاقلاری و توپچی بیرلیکلرینین غزه زولاغینین قوزئی و مرکزی حیصه‌سینده مولکی یاشاییش منتقه‌لرینه تشکیل ائتدیگی هوجوملاردا آرالاریندا قادین و اوشاقلارین دا اولدوغو اونلارلا اینسانی اؤلدوروب.

فیلیسطین رسمی خبر آژانسی وفانین معلوماتینا گؤره، سون 24 ساعاتدا غزه زولاغینین موختلیف یئرلریندن شیفا و اوروپا خسته‌خانالارینا 34 جسد آپاریلیب.

25 نفرین جنازه‌سی خان یونس اوروپا خسته‌خاناسینا آپاریلارکن، هوجوملاردا حیاتینی ایتیرن 9 نفر شیفا طب مرکزینه آپاریلیب.

خان یونس و بیر چوخ اطراف اراضیلر، خوصوصیله حمد شهری ایسرائیل ساواش اوچاقلاری و توپچیلارینین یوغون هوجوملارینا معروض قالیب.

غزه‌نین قوزئیینده و مرکزی حیصه‌سینده یئرلشن نصیرات قاچقینلار دوشرگه‌سی ساواش اوچاقلاری طرفیندن جدی شکیلده وورولوب.

نصیراتدا باش وئرن هوجومدا چوخلو سایدا اؤلن و یارالانانین اولدوغو بیلدیریلیب.

ایسرائیل توپچی بیرلیکلری ده غزه زولاغینین گونئیینده‌کی زیتون بؤلگه‌سینه شیدتلی هوجوملار تشکیل ائدیب.