مدودئو، پارچالانمیش اوکراینا خریطه‌سی گؤستردی
"بو آرتیق روسیایا قارشی آمریکا سیلاحییلا، آمریکا اؤزل گوجلری و مصلحتچیلرینین ایشتیراکییلا ایجرا ائدیله‌ن تام تشکللو بیر ساواش"
روسیا فدراسیونو گوونلیک شوراسی باشقانی دمیتری مدودئو بازار ائرته‌سی گونو سوچیده تشکیل ائدیله‌ن گنجلیک فستیوالیندا اوکراینا تورپاقلارینین بؤیوک قیسیمینین روسیا، لهستان، رومانی و ماجاریستان آراسیندا پایلاشدیریلدیغی بیر خریطه گؤستردی. خریطه‌ده یالنیز کیئو و اطرافینداکی کیچیک بیر بؤلگه‌نین اوزرینده "اوکراینا" یازیردی.
مدودئو آیریجا "دینیپرین ایکی ساحلینده‌کی بؤلگه‌نین روسیانین تاریخی استراتژیک سرحدلرینین آیریلماز پارچاسی" اولدوغونو سؤیله‌دی. عینی خریطه‌ده ترانس‌دینیستر ده مولدووانین پارچاسی کیمی گؤرونور.
"بو گونکو وضعیت ۱۹۶۲ ایلینده‌کیندن چوخ داها پیس" دئیه‌ن مدودئو حاضرداکی وضعیتی کوبا موشک بحرانی ایله مقایسه ائتدی. مدودئو، "بو آرتیق روسیایا قارشی آمریکا سیلاحییلا، آمریکا اؤزل گوجلری و مصلحتچیلرینین ایشتیراکییلا ایجرا ائدیله‌ن تام تشکللو بیر ساواش" دئیه دانیشدی.
