غزه یولاغینا هاوادان اینسانی کؤمک ائندیریلدی
ایسرائیلین غزه‌یه قارشی سالدیریلارینا باشلادیغی ۷ اکتبردان بو یانا ۱۵ی دوست اؤلکه‌لرله امکداشلیق ایچینده توپلام ۲۸ هاوا یاردیمی ائدیلدیگی بیلگیسی وئریلدی
اردن، غزه یولاغینین قوزئیینه "دوست اؤلکه‌لرله" هاوادان اینسانی کؤمک ائندیردیکلرینی بیلدیردی.
اردن اوردوسونون رسمی اینترنت سایتیندا بو قونویا باغلی آچیقلاما یاییملاندی.
غزه‌نین قوزئیینه "دوست و قارداش" اؤلکه‌لرله اورتاق بیر شکیلده ۸ اوچاقلا غذا و اینسانی کؤمک ائندیریلدیگی ایفاده ائدیله‌ن آچیقلامادا، اردن سلاحلی گوجلرینین، کراللیق هاوا گوجلرینه عاید ۳ سی-۱۳۰ تیپی اوچاغینین یانیندا ۳ آئریکا بیرلشمیش دؤولتلری، ۱ مصر و ۱ فرانسا اوچاغی ایله کؤمک چاتدیریلدیغی ایفاده ائدیلدی.
"بونون، بو آنا قدر ائدیله‌ن ان بؤیوک کؤمک عملیاتی" اولدوغو ایفاده ائدیله‌رک، کؤمکلرین غزه‌نین قوزئیینده‌کی موختلیف نقطه‌لره ائندیریلدیگی قید ائدیلدی.
آچیقلامادا آیریجا ایسرائیلین غزه‌یه قارشی سالدیریلارینا باشلادیغی ۷ اکتبردان بو یانا ۱۵ی دوست اؤلکه‌لرله امکداشلیق ایچینده توپلام ۲۸ هاوا یاردیمی ائدیلدیگی بیلگیسی وئریلدی.
ایسرائیل، باشدا قوزئی اولماق اوزره غزه‌یه قورودان کؤمک گیریشلرینه مانعه تؤره‌دیر. بو سببله اردنون یانیندا مصر و بعضی اؤلکه‌لر ده غزه‌یه هاوادان اینسانی کؤمک چاتدیرمیشدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
