هلاک اولان فیلیسطین‌لیلرین سایی 29 مین 313-ا یوکسلیب

ایسراییلین خالقی آج-سوسوز قالماغا مجبور ائتدیگی غزه زولاغینا هوجوم‌لاریندا حیاتینی ایتیرن فیلیسطین‌لیلرین سایی سون 24 ساعاتدا 118 نفر آرتا‌راق 29 مین 313-ا چاتیب.

غزه-ده‌کی فیلیسطین ساغلیق ناظیرلیگی طرفیندن ائدیلن یازی‌لی آچیقلامادا ایسراییلین 138 گون‌دور حیاتا کئچیردیگی هوجوم‌لارلا باغلی معلومات وئریلیب.

سون هوجوم‌لاردا 118 نفرین حیاتینی ایتیردیگی و بؤلگه‌ده اؤلن‌لرین سایی‌نین 29 مین 313-ا یوکسلدیگی بیلدیریلن آچیقلامادا ایسراییل قوه‌لرینین داها 163 فیلیسطینلینی یارالادیغی، عمومی یارا‌لی سایی‌نین ایسه 69 مین 333-ا یوکسلدیگی قئید ائدیلیب.

ساغلیق ناظیرلیگی‌نین آچیقلاماسیندا داغینتی‌لار آلتیندا و یول کناریندا هله ده اؤلن‌لرین اولدوغو، لاکین ایسراییل قوه‌لری‌نین مانعه‌سی سببیندن ساغلیق اکیپ لری و سیویل ساوونما ایشچی‌لرینین جسدلره چاتا بیلمه‌دیگی وورغولانیب.