ایسراییلین غزه-یه هوجوم لاری دوام ائدیر

ایسراییلین اوکتبرین 7-دن اعتباراً غزه زولاغینا تشکیل ائتدیگی هوجوم‌لاردا آزی 12 مین 300-و اوشاق، 8 مین 400-و قادین اولماقلا 28 مین 340 فیلیسطین‌لی حیاتینی ایتیریب، 67 مین 984-و ده یارالانیب.

فیلیسطین-ین رسمی وفا خبر آژانسی‌نین یایدیغی معلوماتا اساساً، ایسراییل اوردوسو خالقی آج و سوسوز قویا‌راق اینسانی فلاکته سبب اولدوغو غزه زولاغینا هوجوم‌لارینی 130-جو گون‌دور داوام ائتدیریر.

ساغلیق منبع‌لری غزه-نین مرکزی حیسه‌سینده‌کی‌ نصیرت قاچقین دوشرگه‌سی‌نین دؤیوش اوچاق لاری طرفیندن هدف آلیندیغینی، هوجومدا 5 نفرین اؤلدوگونو و یارالاندیغینی بیلدیریب.

غزه-نین گونئیینده‌کی رفح شهرینین البرازیل محله‌سینده حیاتا کئچیریلن هاوا هوجوموندا 1 اوشاق اؤلوب، 4 نفر یارالانیب.

خان یونیس شهری‌نین دوغو و باتی حیسه‌لرینه ده آغیر ضربه‌لرین ائندیریلدیگی بیلدیریلیب.

خان یونیس‌-ده‌کی ناسیر خسته‌خاناسیندا الکتریک انرژیسی‌نین تامامیله کسیلدیگی قئید اولونوب.

غزه زولاغی‌نین مرکزینده یئرلشن المغازی قاچقین دوشرگه‌سی‌نین ده بومبالاندیغی، اورادا دا یارا‌لانان‌لارین اولدوغو بیلدیریلیب.