ایران، کؤرپو تیکیمی اوچون چینلیلرله آنلاشدی
ایران سربست بؤلگهلر یۆکسک شوراسی باشقانی حجت عبدالملکی، قشم آداسینی آنا قورویا باغلایاجاق ۳ کیلومتر یاریم اوزونلوغونداکی کؤرپونون تیکیمی اوچون چینلیلرله آنلاشدیقلارینی سؤیلهدی
ایران، بصره کؤرفزیندهکی قشم آداسینی آنا قورویا باغلایاجاق کؤرپونون تیکیمی اوچون چینلی شیرکتلرله آنلاشدی.
ایرانلی اؤیرنجیلر خبر آژانسی ایلنایا گؤره، ایران سربست بؤلگهلر یۆکسک شوراسی باشقانی حجت عبدالملکی، قشم آداسینی آنا قورویا باغلایاجاق ۳ کیلومتر یاریم اوزونلوغونداکی کؤرپونون تیکیمی اوچون چینلیلرله آنلاشدیقلارینی سؤیلهدی.
"فارس کؤرفزی کؤرپوسو" آدی وئریلهن کؤرپونون تیکیمینه باغلی بیلگی وئرهن عبدالملکی،
"چینلی مقاطعهچی شیرکتلرله گؤروشمهلر ائدیلدی. ۳ ایله قدر تاماملانماسی پلانلانان فارس کؤرفزی کؤرپوسو ایران-چین اورتاق سرمایهسی ایله تیکیلهجک" دئدی.
سرمایه مبلغی تخمیناً ۷۰۰ میلیون دلار اولان کؤرپو تیکیمینین حاضردا یۆزده ۱۸ینین تاماملاندیغینی دیله گتیرهن عبدالملکی، پروژهده اینقیلاب گؤزتچیلری اوردوسونا باغلی خاتم الانبیا یاپی قرارگاهینین دا ایشتیراکچیلاردان بیری اولدوغونو ایفاده ائتدی.
سربست تیجارت بؤلگهسی اولان آدانی قورویا باغلایاجاق کؤرپونون تاماملانماسییلا اقتصاد و توریزمه قاتقی تامین ائدیلمهسی هدفلهنیر.
بصره کؤرفزی ایله هرمز بوغازینین کسیشدیگی نقطهده یئر آلان قشم آداسینی آنا قورویا باغلایاجاق اوزونلوغو ۳ کیلومتر یاریم، گئنیشلیگی ۳۲ متر اولماسی پلانلانان فارس کؤرفزی کؤرپوسونون تیکیمینه ایلک اولاراق اؤنجهکی جمهورباشقانلاریندان محمود احمدینژاد دؤنمینده ۲۰۱۱.جی ایلده باشلانمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.