اردوغان، دونیا حکومتلر ذیروه‌سینده دانیشدی
"اؤزونو اولوسلارآراسی حقوقون اۆستونده گؤره‌ن ایسرائیل، اون ایللردیر ایشغال، غصب، ییخیم و قیرغین سیاستلریندن واز گئچمه‌میشدیر"
جمهورباشقانی رجب طیب اردوغان،
"فیلیسطینلی قارداشلاریمیزی اصلا صاحبسیز، چاره‌سیز و یالنیز بوراخمایاجاغیق" دئدی.
جمهورباشقانی اردوغان، رسمی گؤروشمه‌لر اۆچون گئتدیگی دبی‌ده، دونیا حکومتلر ذیروه‌سینده دانیشدی.
اردوغان،
"اؤزونو اولوسلارآراسی حقوقون اۆستونده گؤره‌ن ایسرائیل، اون ایللردیر ایشغال، غصب، ییخیم و قیرغین سیاستلریندن واز گئچمه‌میشدیر" دئدی.
"بؤلگه‌میزده باریش، دینجلیک و اقتصادی قالخینمایا گئدن یول، فیلیسطین دؤولتینین قورولوشوندان گئچیر" دئیه‌ن جمهورباشقانی اردوغان،
"ایسرائیل قالیجی باریش ایستییرسه یاییلماچی خیاللار آرخاسیندا گئتمه‌گی بوراخمالی، ۱۹۶۷ سرحدلری تملینده موستقیل فیلیسطین دؤولتینین وارلیغینی قبول ائتمه‌لیدیر" ایفاده‌لرینی ایشلتدی.
اردوغان،
"۱۹۶۷ سرحدلرینده، باشکندی دوغو قدس اولان موستقیل، اگمن و جغرافی بۆتونلوگه صاحب بیر فیلیسطین دؤولتی مؤوجو اولمادان آتیلان هر آددیم یاریم قالاجاق. فیلیسطینلی قارداشلاریمیزی اصلا صاحبسیز، چاره‌سیز و یالنیز بوراخمایاجاغیق" دئدی.
جمهورباشقانی اردوغان،
"سون دؤونمده بیرلشمیش میللتلر فیلیسطینلی سیغینماچیلار آژانسینا قارشی دوزونو آرتان اعتبار سوءقصدلرینی تأسفله قارشیلادیغیمیزی ایفاده ائتمک ایستیره‌م. ویجدان صاحبی اؤلکه‌لری؛ اردن، سوریه، لبنان و فیلیسطین تورپاقلارینداکی ۶ میلیون سیغینماچی اوچون جان داماری اولان آژانسا (UNRWA) صاحب چیخماغا دعوت ائدیره‌م" دئیه دانیشدی.
اؤته یاندان، جمهورباشقانی اردوغان، ایکیلی گؤروشمه‌لری چرچیوه‌سینده، بیرلشمیش عرب امیرلیکلری دؤولت باشقانی محمد بن زاید آل نهیان ایله مطبوعاتا قاپالی بیر گؤروشمه گئرچکلشدیردی.
جمهورباشقانلیغی ایله‌تیشیم باشقانلیغیندان وئریله‌ن آچیقلامایا گؤره، گؤروشمه‌ده، تورکیه ایله بیرلشمیش عرب امرلیکلری آراسینداکی سیاسی و اقتصادی ایلیشکیلرین، بؤلگه‌سل و کۆره‌سل مؤوضوعلارین، ایسرائیلین فیلیسطین تورپاقلاریندا داوام ائدن سالدیریلارینین اله آلیندیغی وورغولاندی.
آچیقلامادا، اردوغانین، ایسرائیلین غزه‌نین بۆتونو کیمی رفحه قارشی سالدیریلارینین دا قبول ائدیلمز اولدوغونو، اولوسلارآراسی توپلومون، بیرلشمیش میللتلر گۆونلیک شوراسی باشدا اولماق اوزره اولوسلارآراسی قورولوشلارین و ایلگیلی اؤلکه‌لرین، ایسرائیلی تئزلیکله دوردوراجاق آددیملار آتماسی لازیم اولدوغونو ایفاده ائتدیگی بیلدیریلدی.
آچیقلامادا، جمهورباشقانی اردوغانین، ترورلا موباریزه‌ده ایکی اؤلکه‌نین امکداشلیغینین ضرورتینی اورتایا قویاراق، تورکیه‌نین بوتون ترور هؤرگوتلری ایله آیریمسیز موباریزه‌یه داوام ائدجگینی سؤیله‌دیی قید ائدیلدی.
بو آرادا، جمهورباشقانی اردوغان، ایکیلی گؤروشمه‌لری چرچیوه‌سینده لیبی میللی بیرلیک حکومتی باشباخانی عبدالحمید دبیبه ایله ده مطبوعاتا قاپالی بیر گؤروشمه ائتدی.
مالدیو جمهورباشقانی محمد مویزو ایله ده گؤروشه‌ن اردوغان، آیریجا، اولوسلارآراسی سرمایه شیرکتلری و امیرلیک عائله‌لرینه عاید شیرکتلرین نومایندلری ایله بیر آرایا گلدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
