روسیا: ارمنیستانلا ایلیشکیلریمیزه منفی تاثیر ائده‌جک
پئسکوو، باشکند موسکوادا ژورنالیستلره وئردیگی آچیقلامادا، ارمنیستانین، ۱ فوریه اعتیبارییلا اولوسلارآراسی جزا محکمه‌سینه رسمی اولاراق عضو اولماسینی دگرلندیردی
روسیا دؤولت باشقانلیغی سارایی کرملین سؤزچوسو دمیتری پئسکوو، ارمنیستانین، روما ایستاتوسونو تصدیقله‌یه‌رک ۱ فوریه اعتیبارییلا اولوسلارآراسی جزا محکمه‌سینه عضو اولماسینین ایکیلی ایلیشکیلره منفی تأثیر ائدجگینی ایفاده ائد‌رک،
"بو قونویلا باغلی (اولوسلارآراسی جزا محکمه‌سینین روسیا دؤولت باشقانی ولادیمیر پوتینی یاخالاما قراری) ارمنی اورتاقلاریمیزدان معین ضمانتلر آل/ماق چوخ اؤنملیدیر" دئدی.
پئسکوو، باشکند موسکوادا ژورنالیستلره وئردیگی آچیقلامادا، ارمنیستانین، ۱ فوریه اعتیبارییلا اولوسلارآراسی جزا محکمه‌سینه رسمی اولاراق عضو اولماسینی دگرلندیردی.
روسیا دؤولت باشقانی پوتینین، اولوسلارآراسی جزا محکمه‌سینین قراری سببی ایله ارمنیستانا سفرینین مومکون اولوب اولمادیغی یولوندا‌کی سوالی جاوابلایان پئسکوو، ارمنیستانین اولوسلارآراسی جزا محکمه‌سیه ایشتیراکینین ایکیلی ایلیشکیلره منفی تأثیر ائدجگینی ایفاده ائتدی.
پئسکوو،
"البته، ارمنیستانین بو اولوسلارآراسی جزا محکمه‌سینه ایشتیراکییلا باغلی یئنی گئرچگین ایکیلی ایلیشکیلریمیزه منفی تأثیر ائتمه‌مه‌سی مومکون دئییل. البته، بو قونویلا باغلی ارمنی اورتاقلاریمیزدان معین ضمانتلر آلماق چوخ اؤنملیدیر. بو پروبلئمین ایکیلی دیالوگ چرچیوه‌سینده حل ائدیلمه‌سی گؤزله‌نیلیر" ایفاده‌سینی ایشلتدی.
اولوسلارآراسی جزا محکمه‌سی، اوکراینادا ایشله‌نه‌ن سوچلارلا باغلی یئریتدیگی سوروشدورما چرچیوه‌سینده، روسیا دؤولت باشقانی ولادیمیر پوتین و روسیانین اوشاق حاقلاری کمیسری ماریا آلئکسئیئونا لوووا-بئلووا حاقیندا ساواش سوچو سببی ایله یاخالاما قراری چیخاریلدیغینی و بو قرارین عؤمور بویو گئچرلی اولدوغونو مارس ۲۰۲۳ده بیلدیرمیشدی.
کرملین سؤزچوسو پئسکوو، اولوسلارآراسی جزا محکمه‌سیین قرارینا باغلی آچیقلاماسیندا، مسئله‌نین دفرموله ائدیلمه‌سینین "رذالت" و "قبول ائدیلمز" اولدوغونو ایفاده ائد‌رک،
"روسیا بعضی دؤولتلر کیمی بو محکمه‌نین یارغی صلاحیتینی تانیماماقدادیر. بو سببله، بو نؤوعدن هر هانسی بیر قرار حقوق باخیمیندان روسیا فدراسیونو اوچون گئچرسیزدیر" ایفاده‌سینی ایشلتمیشدی.
ارمنیستان پارلمانی، اولوسلارآراسی جزا محکمه‌سیین روما ایستاتوسونو اکتبر ۲۰۲۳ده اونایلامیشدی. بئله‌جه ارمنیستان، ۱ فوریه اعتیبارییلا اولوسلارآراسی جزا محکمه‌سینه رسمی اولاراق عضو اولموشدو.
ارمنیستان باشباخانی نیکول پاشینیان دا د دیلی تلگراف قزئتینه وئردیگی مصاحیبه‌ده، پوتینین یاخالانماسی قونوسوندا صلاحیتینین اولمادیغینی، یاخالاما قرارینین قانونی چرچیوه‌ده ارمنیستان محکمه‌لری طرفیندن اله آلینماسی لازیم اولدوغونو ایفاده ائتمیشدی.
