ایسرائیلین سوریه‌نی ووردوغو ادعا ائدیلیر
"هاوا ساوونما سیستملریمیز لبنان طرفیندن گلن دۆشمن موشکلرینی قارشیلایاراق بعضیلرینی دۆشوردو. سالدیریدا وطنداشلار اؤلدو"
ایسرائیلین سوریه‌یه هاوا سالدیریسی ائتمه‌سی نتیجه‌سینده چوخ ساییدا وطنداشین حیاتینی ایتیردیگی ادعا ائدیلدی.
سوریه خبر آژانسی سانانین عسگری قایناقلارا دایاندیردیغی خبرینده، یئرلی ساعاتلا ۰۰.۳۰دا حمصون مرکزی و اطرافیندا‌کی بعضی نقطه‌لرین، ایسرائیل گوجلری طرفیندن هاوا سالدیریسییلا هدف آلیندیغی ادعا ائدیلدی.
خبرده،
"هاوا ساوونما سیستملریمیز لبنان طرفیندن گلن دۆشمن موشکلرینی قارشیلایاراق بعضیلرینی دۆشوردو. سالدیریدا وطنداشلار اؤلدو. مادی زیانلا بیرلیکده یارالانانلار دا وار" ایفاده‌سی ایشله‌دیلدی.
ایسرائیل طرفیندن ایسه سالدیری ایله باغلی آچیقلاما وئریلمه‌دی.
باشکند دمشق و اطرافیندا‌کی بؤلگه‌لرده، سوریه اوردوسو ایله ایران دستکلی تروریست قروپلارین یانیندا لبنان حزب‌اللهی عنصورلارینین دا اولدوغو بیلینیر.
ایسرائیل، ایچ ساواشین باشلادیغی ۲۰۱۱دن بو یانا سوریه‌ده آرا آرا ایران دستکلی قروپلارا و سوریه اوردوسونا عاید عسگری نقطه‌لره سالدیریلار تشکیل ائدیر.
