ایراندان آمریکایا تپکی
ایران خاریجی ایشلر باخانلیغی سؤزچوسو کنعانی، باشکند تهراندا تشکیل ائتدیگی مطبوعات کنفرانسیندا گۆندمی دگرلندیردی
ایران خاریجی ایشلر باخانلیغی سؤزچوسو ناصر کنعانی، آمریکا بیرلشمیش دؤولتلرینین، بعضی اؤلکهلرین اگمنلیک و تورپاق بوتونلوگونه قارشی ائیلملرینین واشنگتونون بؤلگهدهکی باریش، ثابتلیک و گۆونلیک قونوسونداکی رولونا گۆونیلهممهیهجگینی گؤستردیگینی سؤیلهدی.
ایران خاریجی ایشلر باخانلیغی سؤزچوسو کنعانی، باشکند تهراندا تشکیل ائتدیگی مطبوعات کنفرانسیندا گۆندمی دگرلندیردی.
کنعانی، بؤلگهده ساواشین و چاتیشمانین گئنیشلهمهسینی ایستهمهدیگینی سؤیلهیهنلرین بونون عکسینه ایستیقامتینده حرکت ائتدیگینی ایفاده ائدرک،
"آمریکانین اؤلکهلرین اگمنلیک و تورپاق بوتونلوگونه قارشی ائیلملری، اولوسلارآراسی توپلومون بو اؤلکهنین بؤلگهدهکی باریش، ثابتلیک و گۆونلیک قونوسونداکی رولونا گۆوهنهبیلمهیهجگینی گؤستریر" دئدی.
آمریکا و اینگیلترهنین عراق، سوریه و یمنه قارشی سالدیریلارینی دگرلندیرهن کنعانی، "آمریکا و اینگیلترهنین بؤلگهده باریش و گۆونلیگین یئرینه ایسرائیل باشباخانی بنیامین نتانیاهو ایله ایسرائیلین چیخارلارینی سئچدیگینی" سؤیلهدی.
کنعانی، بؤلگهدهکی بحران، گرگینلیک و استقرارسیزلیغین آزالدیلماسینین "ایسرائیلین بؤلگهدهکی ساواش سوچلارینین دوردورولماسینا باغلی" اولدوغونو ایفاده ائتدی.
اسکی آمریکا باشقانی دونالد ترامپین، ایران انقیلاب گؤزتچیلری اوردوسونا باغلی قدس گوجو باشچیسی قاسم سلیمانینین بغداد اولوسلارآراسی هاواآلانینداکی سالدیریدا اؤلدورولمهسیندن سونرا ایرانین، عراقداکی عین الاسد مرکزینه قارشی سالدیریسینین "ایشبیرلیگی ایچینده" اولدوغو یولونداکی آچیقلاماسینا باغلی ایسه کنعانی،
"سئچیم یاریشینا گیرهن بیر یالانچینین ایفادهسی اینانیلاجاق بیر شئی دئییل" ایفادهلرینی ایشلتدی.