ایسرائیل‌دن سوریه‌یه هاوا سالدیریسی
هاوا سالدیریسیندا ساوونما سیستملریمیز ایشغال آلتیندا اولان قولان تپه‌لری طرفیندن گلن دوشمن راکتلرینی گؤروپ، اونلارین بیر قیسمینی ووروب. هوجوم سونوجو ضرر مئیدانا گلیب
ایسرائیل سوریه‌نین پایتاختی دمشق‌ه هاوا سالدیریسی ائدیب.
سورییانین رسمی خبر آژانسی سانا-نین حربی قایناغا اساسلاناراق وئردییی خبرده یئرلی واخت ایله ساعات 04:20-ده دمشقین گونئییندکی بعضی بؤلگه‌لرین ایسرائیل گوجلرینین هاوا هوجومو ایله هدفه آلیندیغی بیلدیریلیب.
خبرلرده "هاوا سالدیریسیندا ساوونما سیستملریمیز ایشغال آلتیندا اولان قولان تپه‌لری طرفیندن گلن دوشمن راکتلرینی گؤروپ، اونلارین بیر قیسمینی ووروب. هوجوم سونوجو ضرر مئیدانا گلیب." بیلگیلری وئریلیب.
ایسرائیل رسمیلری هوجوملا باغلی آچیقلاما وئرمییب.
دمشق و اونون کند یئرلرینده لبنان حزب‌الله‌ینین عنصرلاری، ائله‌جه ده سوریه اوردوسو و ایرانین دستکلدییی قروپلارین اولدوغو بیلینیر.
2011 ایلینده سوریه‌ده ایچ ساواش باشلایاندان بری ایسرائیل بو اؤلکه‌ده ایرانین دستکلدییی قروپلارا واخت‌آشیری هوجوملار هیاتا کئچیریر.
