رئیسی: ساواش باشلاتمایاجاغیق
رئیسی، بصره کؤرفزی ساحلینده‌کی هرمزگان ایالتینه سفری سیراسیندا خالقا خیطاب ائتدی
ایران جمهورباشقانی ابراهیم رئیسی، اؤلکه‌سینین ساواش باشلاتما نیتینده اولمادیغینی آنجاق هر هانسی بیر "قولدورلوغا" گۆجلو بیر شکیلده جاواب وئره‌جکلرینی سؤیله‌دی.
ایران رسمی خبر آژانسی ایرنایا گؤره، رئیسی، بصره کؤرفزی ساحلینده‌کی هرمزگان ایالتینه سفری سیراسیندا خالقا خیطاب ائتدی.
آمریکا بیرلشمیش دؤولتلری ایله سون گونلرده آرتان گرگینلیگه توخونان رئیسی،
"ساواش باشلاتمایاجاغیق اما ظالم بیر اؤلکه و یا گۆج هر هانسی بیر قولدورلوق ائتمک ایسته‌سه ایران اونلارا گۆجلو بیر جاواب وئره‌جک" ایفاده‌لرینی ایشلتدی.
آمریکانین اردن-سوریه سرحدینده‌کی عسگری مرکزینه ۲۸ ژانویه‌ده کامی‌کازه اینسانسیز هاوا آراجی ایله گئرچکلشدیریلن سالدیریدا ۳ آمریکا عسگری اؤلموش، قیرخین اۆزرینده عسگر ده یارالانمیشدی.
باشدا باشقان جو بایدن اولماق اۆزره آمریکا‌لی مقاملار، سالدیریدان ایران دستکلی قروپلاری مسئول توتموش، آمریکانین سئچه‌جگی بیر زامان و یئرده سالدیرییا قارشیلیق وئریله‌جگینی ایفاده ائتمیشدی.
ایران، سؤزو گئدن سالدیرییلا باغلانتیلی اولدوغو ادعالارینی رد ائد‌رک،
"بؤلگه‌ده‌کی مقاومت گۆجلری قرار و ائیلملرینده ایراندان تاپشیریق آلمیر" ایفاده‌سینی ایشلتمیشدی.
