عباس: اسرائیلین غزه‌نی آیرماسینا ایجازه وئرمه‌یه‌جییک
محمود عباس، غزه یولاغینین اردن چایینین باتی ساحیلیندن آیریلماسی و یا بیر پارچاسینین قوپاردیلماسی شکلینده‌کی بیر پلانا ایجازه وئرمه‌یه‌جکلرینی سؤیله‌دی
فیلیسطین دؤولت باشقانی محمود عباس، غزه یولاغینین اردن چایینین باتی ساحیلیندن آیریلماسی و یا بیر پارچاسینین قوپاردیلماسی شکلینده‌کی بیر پلانا ایجازه وئرمه‌یه‌جکلرینی سؤیله‌دی.
فیلیسطین خبر آژانسی وفایا گؤره، رام‌الله‌داکی باشقانلیق مرکزینده فتح حرکتی مرکز کومیته‌سی عضولری ایله بیر آرایا گلدیگی ییغینجاقدا عباس، غزه‌یه باغلی سون گلیشمه‌لر و ایسرائیل باشباخانی بنیامین نتانیاهونون مطبوعاتا سیزان پلانینا دایر آچیقلامالار وئردی.
"غزه‌نین اردن چایینین باتی ساحیلیندن آیریلماسی پلانینا ایجازه وئرمه‌یه‌جییک" دئیه‌ن محمود عباس، بو ایفاده‌لری ایشلتدی:
"توتوموموز آچیقدیر، طلبلریمیز ایسه تئزلیکله آتیش‌کس، ایسرائیل ایشغال گوجلرینین غزه یولاغیین هر یئریندن چکیلمه‌سی، غزه یولاغینا اینسانی کؤمک گیریشینی سرعتله‌ندیرمک و نه اولورسا اولسون، هر هانسی بیر فیلیسطینلینین تورپاقلاریندان چیخاریلماسینین اؤنله‌نمه‌سیدیر. ۱۹۴۸ده فیلیسطین خالقینین باشینا گلن نکبةین تکرارینا ایجازه وئرمه‌یه‌جییک. هله بو گۆنه قدر اونون بؤیوک تاثیرلرینین چتینلیگینی چکیریک".
عباس، دوغو قدس، اردن چایینین باتی ساحیلی و غزه‌ده‌کی فیلیسطین تورپاقلارینین بوتونلوگونه وورغو ائد‌رک، بورالارین مسئولیتینین فیلیسطین دؤولتینده اولدوغونو و یؤنه‌تیمین غزه‌ده‌کی اؤولادلارینا اوز چئویرمه‌یه‌جگینین وورغولادی.
بیر تیکه چؤرگی و آیلیقلاری اردن چایینین باتی ساحیلی و غزه‌ده‌کیلرله پایلاشاجاقلارینی دیله گتیره‌ن عباس،
"ایشغالچیلارین غزه‌نی دیگر فیلیسطین تورپاقلاریندان آییرما و یا هر هانسی بیر پارچا‌سینی قوپارما پلانلارینا ایجازه وئرمه‌یه‌جییک" دئدی.
عباس، عرب و قباتی اؤلکه‌لری ایله سالدیرقانلیغین دورماسی اوچون بؤیدک بیر چابا صرف ائتدیکلرینی ایفاده ائد‌رک، غزه خالقینین ایشغال گوجلری طرفیندن ییخیلان یوردلارینا قاییتمالاری مقصدی ایله بوتون کؤمک و دستکلرین وئریله‌جگینی قید ائتدی.
ایسرائیل مطبوعاتینا گؤره، باشباخان نتانیاهونون بیر قروپ ایش اینسانییلا حاضیرلادیغی پلان، سیراسییلا گئچیش مدتی اوچون غزه‌ده بیر عسگری یؤنه‌تیم اولوشدورولماسی، فتح و حماسین یئر آلمادیغی یئنی فیلیسطین رهبرلیگینین قورولماسی، عینی رهبرلیگین اردن چایینین باتی ساحیلینی ده ایداره ائتمه‌سی و سون اولاراق اوردوسو اولمایان سلاحسیز بیر فیلیسطین دؤولتینین قورولماسینی احتیوا ائدیر.
