عمران خان ۱۰ ایل حبس جزاسینا محکوم ائدیلدی
پاکیستاندا، اسکی باشباخان عمران خان و اسکی خاریجی ایشلر باخانی شاه محمود قریشی ۱۰ ایل حبس جزاسینا محکوم ائدیلدی
پاکیستاندا، "دؤولت اسرارینی ایفشا ائتمکله" سوچلانان و توتوقلو یارغیلانان اسکی باشباخان عمران خان و اسکی خاریجی ایشلر باخانی شاه محمود قریشی ۱۰ ایل حبس جزاسینا محکوم ائدیلدی.
میللی مطبوعاتداکی خبرلره گؤره، دؤولت سیرلرینی ایفشا ائتمکله یارغیلاندیقلاری دعویده، ۱۰ ایل حبس جزاسی آلدیقلارینا باغلی محکمه قرارینی، قاضی، راوالپندی‌ده ادیاله حبس‌خاناسیندا اولان عمران خانا و قریشییه سؤزلو اولاراق چاتدیردی.
پاکیستان عدالت حرکتی پارتیسی سؤزچوسو سید ذولفقار بخاری، خانین و قریشینین حاقلاریندا وئریله‌ن حبس جزالارینا باغلی اۆست محکمه‌یه اعتراض ائد‌جکلرینی قید ائتدی.
اسکی باشباخان عمران خان، محاکیمه اولوندوغو فساد دعویسینده، محکمه‌نین حاقیندا وئردیگی حبس قرارینندان سونرا ۵ آگوست ۲۰۲۳ده پلیس طرفیندن توتولموش و حبس‌خانایا گؤندریلمیشدی.
خان حاقیندا محاکیمه اولوندوغو سویفساد شکایتی چرچیوه‌سینده وئریله‌ن ۳ ایل حبس جزاسی، ۲۹ آگوست ۲۰۲۳ده ائرته‌له‌نرک اسکی باشباخانین کفالتله سربست بوراخیلماسینا حؤکم ائدیلمیشدی. آنجاق ۳۰ آگوست ۲۰۲۳ده قاضی ابوالحسنات ذوالقرنین، ساوچیلیغین طلبی ایله "دؤولت سیرلرینی ایفشا ائتمکله" سوچلانان خانین حبس مدتینی اوزاتمیشدی.
اسکی خاریجی ایشلر باخانی شاه محمود قریشی ده بنزر سببله ۱۹ آگوست ۲۰۲۳ده اسلام آبادداکی ائوینده توتولاراق حبس‌خانایا گؤندریلمیشدی.
