پوتینین نامیزدلیگی تائید ائدیلدی
روسیا مرکز سئچیم کمیسیونو، ولادیمیر پوتینین موستقیل نامیزد اولماسییلا باغلی مراجعتی گۆندمی ایله توپلاندی
روسیا دؤولت باشقانی ولادیمیر پوتینین مارس آییندا ائدیله‌جک دؤولت باشقانلیغی سئچیملرینده موستقیل نامیزدلیگی، مرکز سئچیم کمیسیونو طرفیندن اونایلاندی.
روسیا مرکز سئچیم کمیسیونو، ولادیمیر پوتینین موستقیل نامیزد اولماسییلا باغلی مراجعتی گۆندمی ایله توپلاندی.
ییغینجاقدا، پوتینین نامیزدلیگی تصدیقله‌ندی و ۱۹۸ صلاحیتلی نماینده‌سی ثبت ائدیلدی.
بئله‌جه پوتینین سئچیمده، اؤلکه‌نین اؤنده گلن صنعتچیلر داخیل صلاحیتلی نماینده‌سی ساییسی ۵۴۴ه نفره چاتدی.
مرکز سئچیم کمیسیونو، روس پارلمانینین آلت قانادی دومادا یئر آلان روسیا لیبرال دموکرات پارتیسی باشقانی لئونید سلوتسکی، کمونیست پارتی طرفیندن نامیزد گؤستریله‌ن میللت وکیلی نیکولای خاریتونوو، یئنی اینسانلار پارتیسی (نوویه لیودی) باشقان کؤمکچیسی ولادیسلاو داوانکووون نامیزدلیگینی داها اؤنجه تائید ائتمیشدی.
فدراسیون شوراسی، دسامبر آییندا، دؤولت باشقانلیغی سئچیملرینین ۱۵-۱۷ مارس ۲۰۲۴ده ائدیلمه‌سی یولوندا قرار وئرمیشدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
