حوثیلر، آمریکایا عاید بیر گمینی هدف آلدیقلارینی آچیقلادی
حوثیلرین عسگری سؤزچوسو یحیی سریع، ایکس سوسیال مئدیا پلتفورموندان وئردیگی آچیقلامادا، یمنین گونئییندهکی عدن کؤرفزینده حوثی گوجلرینین تشکیل ائتدیگی سالدیرییا باغلی بیلگی وئردی
یمندهکی ایران دستکلی حوثیلر، عدن کؤرفزینده آمریکا بیرلشمیش دؤولتلری دونانماسینا عاید بیر گمینی موشکلرله هدف آلدیقلارینی آچیقلادی.
حوثیلرین عسگری سؤزچوسو یحیی سریع، ایکس سوسیال مئدیا پلتفورموندان وئردیگی آچیقلامادا، یمنین گونئییندهکی عدن کؤرفزینده حوثی گوجلرینین تشکیل ائتدیگی سالدیرییا باغلی بیلگی وئردی.
آمریکا دونانماسینا عاید "لوئیس بی پولر" گمیسینی "اویغون بیر دنیز موشکی" ایله هدف آلدیقلارینی ایفاده ائدن سریع، سؤزو گئدن سالدیرینین، فیلیسطین خالقینا دستک و آمریکا ایله اینگیلترهنین یمنه قارشی سالدیریلارینا جاواب وئرمک اوچون گئرچکلشدیریلدیگینی ایفاده ائتدی.
آچیقلاماسیندا، "گمینین وظیفهلری آراسیندا اؤلکهمیزه قارشی سالدیرییا قاتیلان آمریکا گوجلرینه لجستیک دستک تامین ائتمک ده یئر آلیر" ایفادهلرینی ایشلهدن سریع، غزهدهکی سالدیریلار دورانا و محاصره قالدیریلانا قدر ایسرائیله عاید اولان یا دا ایسرائیل لیمانلارینا گئدن گمیلره مانع اولماغا داوام ائدجکلرینی قید ائتدی.