حوثی لر: "امریکایا مخصوص دؤیوش گمی‌سینی ووردوق"
یمن-ده ایران-ین دستکلدیگی حوثی لر عدن کؤرفزی و باب المندب بوغازیندا امریکایا مخصوص دؤیوش گمی‌سینی ووردوق‌لارینی و 2 تیجارت گمی‌سینی گئری قاییتماغا مجبور ائتدیک‌لرینی بیلدیریب‌لر.
یمن-ده ایران-ین دستکلدیگی حوثی لر عدن کؤرفزی و باب المندب بوغازیندا امریکایا مخصوص دؤیوش گمی‌سینی ووردوق‌لارینی و 2 تیجارت گمی‌سینی گئری قاییتماغا مجبور ائتدیک‌لرینی بیلدیریب‌لر.
حوثی لرین حربی سؤزچوسو یحیی سری هم غزه-یه دستک، هم ده امریکا و اینگیلتره-نین یمنه هوجوم‌لارینا جاواب اولا‌راق عدن کؤرفزی و باب المندب بوغازیندا امریکا دؤیوش گمی‌لری ایله آرا‌لاریندا توققوشما‌لارین اولدوغونو ایره‌لی سوروب.
بؤلگه‌ده تیجارت گمی‌لرینی قورویان امریکا دؤیوش گمی‌لری ایله قارشیدورمانین 2 ساعات‌دان چوخ داوام ائتدیگینی بیلدیرن یحیی سری "امریکا دؤیوش گمی‌لریندن بیرینی ووردوق و 2 تیجارت گمی‌سینی گئری قاییتماغا مجبور ائتدیک" دئییب.
هوجوم‌لاری بالیستیک راکت‌لرله حیاتا کئچیردیک‌لرینی وورغولایان یحیی سری امریکا دؤیوش گمی‌لرینین مقاومت گؤسترمه جهدلرینه باخمایا‌راق، راکت‌لرین بیر حیسه‌سی‌نین هدف‌لرینه چاتدیغینی ادعا ائدیب.
یحیی سری قیرمیزی دنیزده هوجوم‌لارینا داوام ائده‌جک‌لرینی بیلدیریب.
امریکا مرکزی قوموتانلیغی (سنتکام) حوثی لرین یئرلی واختلا ساعات 14:00 راده‌لرینده عدن کؤرفزینده اوزن امریکا بایراق‌لی تیجارت یوک گمی‌سینه دوغرو 3 گمی علیهینه بالیستیک راکت آتدیغینی آچیقلاییب.
سنتکام راکت‌لردن ایکیسی‌نین USS Gravely حربی گمیسی طرفیندن ضررسیزلشدیریلدیگینی، دیگری‌نین ایسه دنیزه دوشدوگونو بیلدیریب.
قئید ائدک کی، ایرانین دستکلدیگی یمن-ده‌کی حوثی لر ایسراییلین غزه هوجوم‌لارینا رئاکسیا اولا‌راق 31 اوکتبر 2023-جو ایلده یمن ساحل‌لرینده ایسراییل شیرکت‌لرینه باغلی اولدوق‌لارینی سؤیله‌دیک‌لری تیجارت گمی‌لرینی مصادیره ائتمه‌یه، بعضی‌لرینه ایسه پهپاد و راکت‌لرله هوجوم ائتمه‌یه باشلاییب‌لار.
امریکا قوه‌لری بو پروسه ده دفعه‌لرله یمن‌دن آتیلان راکت‌لری و کامیکازه پهپادلاری ووردوق‌لارینی آچیقلاییب.
حوثی لرین حرکت‌لریندن سونرا بیر چوخ گمیچی‌لیک شیرکتی قیرمیزی دنیزده‌کی سفرلرینی دایان‌دیرماق قرارینا گلیب.
قلوبال تیجارتین تخمینن 12 فایزی آغ دنیزینی قیرمیزی دنیزه بیرلشدیره‌رک آوروپا ایله آسیا آراسیندا ان قیسا مسیری تکلیف ائدن سوئز کانا‌لی واسیطه‌سیله حیاتا کئچیریلیر.
