زلنسکی، روسیانین سالدیریلارینی دگرلندیردی
"ایندی کیئوده دوشمن سالدیریسی نتیجه‌سینده ۲۲ نفر یارالاندی. خارکیئوده ایسه ترور سالدیریسینندا ایلک بیلگیلره گؤره ۵ نفر حیاتینی ایتیردی"
اوکراینا دؤولت باشقانی ولودیمیر زلنسکی، روسیانین بو گون اوکراینانین باشکندی کیئوین یانیندا خارکیئو و پاولوگراد شهرلرینه تشکیل ائتدیگی موشک سالدیریلاردا ان آز ۶ نفرین اؤلدوگونو، ۷۳ نفرین یارالاندیغینی بیلدیردی.
زلنسکی، سوسیال مئدیا حسابیندان، روس اوردوسونون بو گون اوکراینا شهرلرینه تشکیل ائتدیگی موشک سالدیریلارینی دگرلندیردی.
سالدیریلارین یاشاندیغی یئرلرده آختارما قورتارما ایشلرینین داوام ائتدیگینی ایفاده ائدن زلنسکی،
"ایندی کیئوده دوشمن سالدیریسی نتیجه‌سینده ۲۲ نفر یارالاندی. خارکیئوده ایسه ترور سالدیریسینندا ایلک بیلگیلره گؤره ۵ نفر حیاتینی ایتیردی، دؤردو اوشاق ۵۱ نفر یارالاندی. ییخینتی آلتیندان ۲۷ نفر قورتاریلدی" ایفاده‌سینی ایشلتدی.
زلنسکی، پاولوگراددا ایسه بیر نفرین اؤلدوگونو ایفاده ائتدی.
اوکراینا ایچ ایشلری باخانی ایگور کلیمنکو دا اسوسیال مئدیا حسابیندان ائتدیگی پایلاشیمدا، سحر ساعاتلاریندا روس اوردوسونون اوکراینا شهرلرینه موشک سالدیریسی تشکیل ائتدیگینی ایفاده ائتدی.
روس سالدیریسی نتیجه‌سینده باشکند کیئو و اطرافینداکی ائولر ایله ماشینلاردا یانغین چیخدیغینی کبیلدیرن کلیمنکو، خارکیئو شهرینده ایسه روس موشکینین ۲ ائوه اصابت ائتدیگینی بیلدیردی.
کلیمنکو، حادثه یئرلرینده آختارما قورتارما ایشلرینین داوام ائتدیگینی، سالدیریلارین پلیس موفتیشلری طرفیندن ثبت و ضبط ائدیلدیگینی ایفاده ائد‌رک، بو سالدیریلاری، "حیاتلارا دۆشن و یوزلرجه اینسانی ائوسیز ائدن ترور سالدیریسی" اولاراق تانیملادی.
