ایران، پاکیستان سالدیریسیندا ۷ نفرین اؤلدوگونو آچیقلادی
سیستان و بلوچستان ایالتی والی کؤمکچیسی علیرضا مرحمتی، پاکیستانین سحر ساعاتلاریندا ایالتین سرحد بؤلگهسیندهکی بیر کنده موشک سالدیریسی تشکیل ائتدیگینی بیلدیردی
ایران، پاکیستان طرفیندن، سرحد بؤلگهسینده بیر کنده تشکیل ائدیلهن موشک سالدیریسیندا اۆچو قادین و دؤردو اوشاق اولماق اۆزره ۷ نفرین حیاتینی ایتیردیگینی بیلدیردی.
ایران دؤولت تلویزیونونا دانیشان سیستان و بلوچستان ایالتی والی کؤمکچیسی علیرضا مرحمتی، پاکیستانین سحر ساعاتلاریندا ایالتین سرحد بؤلگهسیندهکی بیر کنده موشک سالدیریسی تشکیل ائتدیگینی بیلدیردی.
ایرانلی مسئول، "بو سالدیریدا ایرانلی اولمایان ۳ قادین و ۴ اوشاق حیاتینی ایتیردی" دئدی.
ایالته باغلی سراوان شهرینده ده پاتلاما میدانا گلدیگینی ایفاده ائدن مرحمتی، بورادا جان ایتکیسی اولمادیغینی بیلدیردی.
پاکیستان خاریجی ایشلر باخانلیغی، ایرانین سیستان و بلوچستان ایالتینده "تروریستلرین گیزلندیکلری یئرلره قارشی بیر سلسله حساس عسگری سالدیری" گئرچکلشدیریلدیگینی آچیقلامیشدی.
آچیقلامادا، سیستان و بلوچستان ایالتینده "تروریستلرین گیزلندیکلری یئرلره قارشی بیر سلسله حساس عسگری سالدیری" گئرچکلشدیریلدیگی ایفاده ائدیلهرک، استخباراتا دایالی عملیات سیراسیندا چوخ ساییدا "تروریستین" اؤلدورولدوگو بیلدیریلمیشدی.