پاکیستان ایرانی ووردو
پاکیستان خاریجی ایشلر باخانلیغیندان وئریله‌ن آچیقلامادا، سیستان و بلوچستان ایالتینده "تروریستلرین گیزلندیکلری یئرلره قارشی بیر سلسله حساس عسگری سالدیری" گئرچکلشدیریلدیگی ایفاده ائدیلدی
پاکیستان، ایراندا سیستان و بلوچستان ایالتینده "ترور مرکزلرینه" ایستیقامتلی هاوا آخینی تشکیل ائتدیگینی آچیقلادی.
پاکیستان خاریجی ایشلر باخانلیغیندان وئریله‌ن آچیقلامادا، سیستان و بلوچستان ایالتینده "تروریستلرین گیزلندیکلری یئرلره قارشی بیر سلسله حساس عسگری سالدیری" گئرچکلشدیریلدیگی ایفاده ائدیله‌رک، استخبارتا دایانان عملیات سیراسیندا چوخ ساییدا "تروریستین" اؤلدورولدوگو بیلدیریلدی.
آچیقلامادا، سون بیر نئچه ایلدیر ایران ایله یئریدیلن گؤروشمه‌لرده، تهران رهبرلیگینه پاکیستان منشأ‌لی تروریستلرین ایرانداکی کنترلسوز ساحه‌لرده صاحب اولدوقلاری گوونلی سیغیناجاقلار و باریناقلارلا اباغلی جدی راحاتسیز‌لیقلارین داواملی پایلاشیلدیغینا ایشاره ائدیلدی.
آچیقلامادا، پاکیستانین اولوسلارآراسی حقوق چرچیوه‌سینده‌کی قانونی حاقلاریندان ایستیفاده ائتدیگی، اگمنلیگینه و تورپاق بۆتونلوگونه هر هانسی بیر بهانه یا دا شرط آلتیندا میدان اوخونولماسینا اصلا ایجازه وئرمه‌یه‌جگی ایفاده ائدیلدی.
پاکیستانین بو حرکتینین، اؤلکه‌نین میللی گوونلیگینی بۆتون تهدیدلره قارشی قوروما و ساوونما قونوسونداکی سارسیلماز قرارلیلیغینین بیر گؤستریجیسی اولدوغو بیلدیریله‌ن آچیقلامادا، قوتسال و توخونولماز اولان خالقین امنیت و گۆونلیگینی قوروماق اوچون لازیم اولان بۆتون آددیملارین آتیلماغا داوام ائدیله‌جگی ایفاده ائدیلرک،
"پاکیستان، ایران اسلام جمهوریتینین اگمنلیگینه و تورپاق بۆتونلوگونه تام حؤرمت ائدیر. بو حرکتین تک مقصدی پاکیستانین اؤز گوونلیگی و میللی چیخارلاریدیر. بو چیخارلار هر شئیدن اؤنملیدیر و اصلا تهلوکه‌یه آتیلابیلمز" ایفاده‌لرینه یئر وئریلدی.
ایرانین قارداش بیر اؤلکه اولدوغو و پاکیستان خالقینین ایران خالقینا بؤیوک حؤرمت و سئوگی دویدوغو ایضاح ائدیله‌ن آچیقلامادا، اسلام آبادین ترور تهدیدی ده داخیل اولماق اوزره اورتاق سینامالار قارشیسیندا هر واخت دیالوگ و امکداشلیغی وورغولادیغی، اورتاق حل یوللاری تاپماق اوچون چابا صرف ائتمه‌یه داوام ائدجگی ایفاده ائدیلدی.
پاکیستان خاریجی ایشلر باخانلیغی، ایرانین، ۱۶ ژانویه‌ده سرحدده‌کی بلوچستان ایالتینین پنجگور بؤلگه‌سینه هاوا سالدیریسی تشکیل ائتدیگینی و سالدیریدا ۲ اوشاغین حیاتینی ایتیردیگینی، ۳ قیز اوشاغینین یارالاندیغینی آچیقلامیشدی.
تهران ائلچیسینی گئری چاغیرما قراری آلان پاکیستان، هله ده ایراندا اولان ایرانین اسلام آباد ائلچیسینین ده بیر مدت گئری قاییدمایابیله‌جگینی تهرانا بیلدیرمیشدی.
ایران ایسه پاکیستانین هاوا آخینینا باغلی آچیقلاماسیندا، "سرحد بؤلگه‌سینده‌کی بیر کنده تشکیل ائدیله‌ن موشک سالدیریسیندا ۳ قادین و ۴ اوشاغین حیاتینی ایتیردیگینی" بیلدیردی.
ایراندا ترور هؤرگوتو قبول ائدیله‌ن "جیش العدل"، "سنی بلوچ خالقینین حاقلارینی ساووندوغونو" اؤنه سۆره‌رک، پاکیستان سرحدینده یئر آلان سیستان و بلوچستان ایالتینده زامان زامان سلاحلی ائیلملر تشکیل ائدیر.
