کرمانداکی سالدیریلاردا اؤلو ساییسی آرتدی
اؤلنلر آراسیندا ۱۲ اوشاق ایله ۳۳ قادینین اولدوغو و ۱۲ نفرین دا افغانیستان وطنداشی اولدوغو قید ائدیلدی
ایرانین کرمان ایالتینده، قاسم سلیمانینین مزارینین اولدوغو قبیریسیتانلیغین یاخینیندا گئرچکلشن ۲ آیری پاتلامادا یارالانان ۵ نفرین داها حیاتینی ایتیرمهسی ایله، اؤلنلرین ساییسی ۸۹ نفره یوکسلدی.
ایران رسمی آژانسی ایرنانین، کرمان والیلیگی مسئوللارینا دایاندیردیغی خبرده، اؤلنلر آراسیندا ۱۲ اوشاق ایله ۳۳ قادینین اولدوغو و ۱۲ نفرین دا افغانیستان وطنداشی اولدوغو قید ائدیلدی.
سالدیریدا ۲۸۴ نفرین یارالاندیغی، بؤیوک اکثریتینین مرخص ائدیلدیگی، بعضی یارالیلارین وضعیتینین ایسه آغیر اولدوغو ایفاده ائدیلدی.
اؤته یاندان ایران جمهورباشقانی ابراهیم رئیسی، بو گۆن کرماندا تشکیل ائدیلهن جنازه مراسیملری اوچون ایالته گئتدی. انقیلاب گؤزتچیلری باشچیسی حسین سلامی ایله اۆست سویه مسئوللارین دا مراسیملره قاتیلدیغی قید ائدیلدی.
آمریکا بیرلشمیش دؤولتلرینین ۳ ژانویه۲۰۲۰ده عراقین باشکندی بغداددا تشکیل ائتدیگی سوء قصد نتیجهسینده حیاتینی ایتیرهن ایران انقیلاب گؤزتچیلری اوردوسونا باغلی قدس گۆجو اسکی باشچیسی قاسم سلیمانینین ۴.جو اؤلوم ایل دؤنومونده کرمان شهریندهکی مزاری یاخینیندا تشکیل ائدیله ترور سالدیریسیندا ایکی سالدیری تشکیل ائدیلمیشدی.
سالدیرینین مسئولیتینی ترور هؤرگوتو داعش بوینونا گؤتورموشدو.