ایسرائیلین غزهیه سالدیریلاری داوام ائدیر
ایسرائیل سالدیریلاریندا ۷ اکتبردان بو یانا حیاتینی ایتیرهن فیلیسطینلی ژورنالیست ساییسیسی ۹۶ نفره یوکسلدی
ایسرائیلین سالدیریلاری غزهنین گونئییندهکی رفح شهرینده سیخلاشدی.
سالدیریلاردا آرالاریندا قادین و اوشاقلارین دا اولدوغو ان آز ۲۵ فیلیسطینلی اؤلدورولدو.
حیاتینی ایتیرهن فیلیسطینلیلر آراسیندا ژورنالیست عادل ضراب دا وار. ایسرائیل سالدیریلاریندا ۷ اکتبردان بو یانا حیاتینی ایتیرهن فیلیسطینلی ژورنالیست ساییسیسی ۹۶ نفره یوکسلدی.
ایسرائیل اوردوسو، رفحین یانیندا نصیرات موهاجیر دوشرگهسی، خان یونوس و دیر بلح بؤلگهلرینی ده بومبالادی.
۷ اکتبردان بو یانا ایسرائیلین ووردوغو ۲۲ خستهخانا و ۵۳ ساغلیق مرکزی خیدمت دیشی قالدی. ۳۰۰ ساغلیق پرسنلی قتل ائدیلدی. ۹۰ اوخول و اونیوئرسیته ده خیدمت وئرهبیلمز حالا گلدی.
غزهده چاتیشمالار دا سۆرور.
قسام توغایلاری، ایسرائیل عسگرلرینی داشییان بیر آراجی هدف آلدیقلاری گؤرونتوسو پایلاشدی. خان یونسین دوغوسوندا تشکیل ائدیلهن سالدیریدا گۆدوملو تانک سوواردان ایستیفاده ائدیلدی.
سالدیری نتیجهسینده اؤلن و یارالانان ایسرائیل عسگرلرینین اولدوغو آچیقلاندی. ایسرائیل، غزهدهکی چاتیشمالاردا ۲ عسگرینین داها اؤلدورولدوگیونو آچیقلادی. بیر گۆنده اؤلدورولدوگو بیلدیریلن ایسرائیل عسگرینین ساییسی ۷ اولدو.
آتیشکس آنلاشماسی ایسه بیر دفعه داها گوندمده.
آمریکا بیرلشمیش دؤولتلری آغ ائو میللی گوونلیک شوراسی سؤزچوسو جان کربی، یئنی بیر موبادیله آنلاشماسینین ائدیلمک اۆزره اولدوغونو ایرلی سۆردو.
حماس ایسه غزهده ایسرائیلین سالدیریلارینی سونلاندیرماسی شرطی ایله اسیر موبادیلهسینه حاضیر اولدوغونو آچیقلادی.
۷ اکتبردان بو یانا ایسرائیل سالدیریلاریندا ۱۹ مین ۴۵۳ فیلیسطینلی اؤلدورولدو، ۵۲ مین ۲۸۶ نفر یارالاندی.
ایسرائیل اوردوسو، غزه یولاغینا سالدیریلارینین باشلادیغی ۷ اکتبردان بو یانا ۱۲۹و قورودان ایشغال مدتینده اولماق اۆزره ۴۶۱ عسگرینین اؤلدورولدوگونو بیلدیردی.
اینسانی آرادا، ۸۱ ایسرائیللی و ۲۴۰ فیلیسطینلی اسیر قارشیلیقلی سربست بوراخیلدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.