غزه زولاغیندا داها اوچ ایسراییل هلاک اولوب

ایسراییل اوردوسو غزه زولاغیندا داها 3 عسگری‌نین اؤلدوگونو، بیری‌نین ایسه آغیر یارالاندیغینی بیلدیریب.

ایسراییل اوردوسون‌دان وئریلن معلوماتدا یازیلیب کی، غزه-نین جنوبوندا فیلیسطین مقاومت قروپ‌لاری ایله قارشیدورمادا 3 عسگرلری هلاک اولوب. رومن برونشتاین (46)، الیا یانوسکی (24) و آری یهیل زنیلمان (32) آدلی عسگرلرین هلاک اولماسی ایله باغلی عائله‌لرینه معلومات و باش ساغلیغی وئریلیب.

توققوشما‌لاردا بیر ایسراییل عسگری آغیر یارالانیب و معالیجه‌یه گؤندریلیب.

11 دسامبر سحری ایسراییل اوردوسو غزه زولاغیندا 4 عسگری‌نین اؤلدوگونو بیلدیرمیشدی. سونرا اعلان ائدیلن 3 عسگری ایله اؤلن‌لرین سایی 7-یه یوکسلیب.

خاطیرلاداق کی، ایسراییل اوردوسو غزه زولاغینا هوجوم‌لارین باشلادیغی 7 اوکتبردان بو یانا 104-و قورو ایشغا‌لی سوره جینده اولماقلا عمومی‌لیکده 433 عسگری اؤلوب. اوردو عسگرلرین اؤلومونو عائله‌لرینه خبر وئردیک‌دن سونرا اعلان ائدیر.