ایسرائیلین غزه‌ده اؤلن عسگر ساییسی آرتیر
غزه‌ده‌کی چاتیشمالاردا بیری سوبای ۳ ایسرائیل عسگرینین داها اؤلدورولدوگو ایفاده ائدیلدی
ایسرائیل اوردوسو، غزه یولاغینداکی چاتیشمالاردا اؤلدوروله‌ن عسگر ساییسینین ۷۸ نفره چیخدیغینی بیلدیردی.
اوردودان وئریله‌ن یازیلی آچیقلامادا، غزه‌ده‌کی چاتیشمالاردا بیری سوبای/افسر ۳ ایسرائیل عسگرینین داها اؤلدورولدوگو ایفاده ائدیلدی.
آچیقلامادا آیریجا غزه‌نین قوزئیینده‌کی چاتیشمالاردا ۴ عسگرین ده آغیر یارالاندیغی ایفاده ائدیلدی.
ایسرائیل اوردوسونون باشلاتدیغی قورو سالدیریسینین آردیندان غزه یولاغی ایچریسینده‌کی چاتیشمالاردا اؤلدوروله‌ن ایسرائیل عسگرلرینین ساییسی ۷۸ نفره یوکسلدی.
حماسین عسگری قانادی عزالدین قسام توغایلاری دا دونن غزه زولاغیندا ایسرائیل اوردوسونا عاید ۲۸ عسگری آراجی هدف آلدیقلارینی آچیقلامیشدی.
حماسین سلاحلی قانادی عزالدین قسام توغایلاری، ۷ اکتبر سحری، ایسرائیلین "فیلیسطینلیلره و باشدا مسجدی الاقصی اولماق اۆزره قوتسال دگرلرینه قارشی داواملی پوزونتولارینا جاواب وئرمه" سببی ایله گئنیش سالدیری تشکیل ائدرکن ایسرائیل اوردوسو دا غزه یولاغینا آغیر هاوا بومباردمانی باشلاتدی.
ایسرائیل‌ده ۷ اکتبرداکی سالدیریلاردا ۳۱۰دان چوخو عسگر اولماق اوۆزره ۱۲۰۰ ایسرائیللینین اؤلدوگو، ۵ مین ۱۳۲ نفرین یارالاندیغی بیلدیریلدی.
لبنان سرحدینده ایسه ۶ ایسرائیل عسگری اؤلدورولدو.
ایسرائیلین غزه یولاغینا ۷ اکتبردان بو یانا تشکیل ائتدیگی سالدیریلاردا چوخو قادین و اوشاق ۱۵ مین ۸۹۹ فیلیسطینلی حیاتینی ایتیردی.
