۲ ایسرائیل عسگری داها اؤلدورولدو
غزهنین قوزئییندهکی چاتیشمالاردا ۲ ایسرائیل عسگرینین داها اؤلدورولدوگو ایفاده ائدیلدی
ایسرائیل اوردوسو، محاصره آلتینداکی غزه یولاغینداکی چاتیشمالاردا اؤلدورولهن عسگر ساییسینین ۶۸ نفره چیخدیغینی بیلدیردی.
اوردودان وئریلهن یازیلی آچیقلامادا، غزهنین قوزئییندهکی چاتیشمالاردا ۲ ایسرائیل عسگرینین داها اؤلدورولدوگو ایفاده ائدیلدی.
آچیقلامادا، ۵ ایسرائیل عسگرینین ده غزهنین قوزئییندهکی چاتیشمالاردا آغیر یارالاندیغی ایفاده ائدیلدی.
ایسرائیل اوردوسونون آچیقلاماسینا گؤره، ۲۷ اکتبردان بو یانا غزهدهکی چاتیشمالاردا اؤلدورولهن ایسرائیل عسگری ساییسی ۶۸ نفره یوکسلدی.
حماسین سلاحلی قانادی عزالدین قسام توغایلاری، ۷ اکتبر سحری ایسرائیلین "فیلیسطینلیلره و باشدا مسجد اقصی اولماق اۆزره قوتسال دگرلرینه قارشی داواملی پوزونتولارینا جاواب وئرمه" سببی ایله گئنیش سالدیری تشکیل ائدرکن، ایسرائیل اوردوسو دا غزه یولاغینا آغیر هاوا بومباردمانی باشلاتدی.
ایسرائیلده ۷ اکتبرداکی سالدیریلاردا ۳۱۰دان چوخو عسگر اولماق اۆزره ۱۲۰۰ ایسرائیللینین اؤلدوگو، ۵ مین ۱۳۲ نفرین یارالاندیغی بیلدیریلدی.
ایسرائیله گؤره، قسام توغایلارینین الینده ایسرائیللی ۲۳۹ اسیر وار.
غزهدهکی حکومته گؤره ایسه ۷ اکتبردان بو یانا ایسرائیل سالدیریلاریندا غزه یولاغیندا ۵ مین ۶۰۰و اوشاق و ۳ مین ۵۵۰سی قادین اولماق اوزره ۱۳ مین ۳۰۰ نفر اؤلدورولدو.