یواف گالانت: غزهیه قارشی قورو عملیاتی آیلارجا داوام ائدهبیلر
"غزهدهکی قورو عملیاتی، اوراداکی سون ساواش اولمالیدیر چونکو سونراسیندا حماس اولمایاجاق"
ایسرائیل ساوونما باخانی یواف گالانت، "غزهیه قارشی قورو عملیاتینین" آیلارجا داوام ائدهبیلهجگینی ایفاده ائتدی.
یدیعوت آحرونوت قزئتینده یئر آلان خبره گؤره گالانت، سؤزو گئدن آچیقلامانی، غزه سرحدی یاخینلاریندا "هاوا گوجلری عملیات باشچیلیغی" ییغینجاغیندا وئردی.
گالانت بورادا،
"ایسرائیل اوردوسونو دوردورابیلهجک هئچ بیر شئی یوخ. مانورون (ایسرائیلین غزه سالدیریلارینا وئردیگی آد) عملیاتی یؤنو، هاوا قابیلیتی و قورو عملیاتیندان میدانا گلیر. غزهدهکی قورو عملیاتی، اوراداکی سون ساواش اولمالیدیر چونکو سونراسیندا حماس اولمایاجاق. بو، بیر آی، ۲ آی، ۳ آی سورهبیلر اما سونوندا اورادا حماس قالمایاجاق" ایفادهلرینی ایشلتدی.
ایسرائیل اوردوسو داها اؤنجه وئردیگی آچیقلامادا، "ساواشین" بیر سونراکی مرحلهسینه (قورو عملیاتی) حاضرلیق آماجییلا غزهده ایسرائیل گوجلرینین قارشیلاشابیلهجگی تهدیدلری آزالتماق اوچون هاوا سالدیریلارینی سیخلاشدیردیغینی بیلدیرمیشدی.