تورک قیزیل آیی غزه‌ده یئنیدن ایستی یئمک پایلاییر
تورک قیزیل آیینین، قایناقلارین توکه‌نمه نقطه‌سینه گلدیگی غزه‌ده کؤمک ایشلرینه یئرلی پرسنل و کؤنوللولریله داوام ائتدیگی ایفاده ائدیلدی
ایسرائیلین سالدیریلاریندا آلدیغی زیان قیسماً تعمیر ائدیله‌ن تورک قیزیل آیینین غزه‌ده اولان آش‌ائوینده، یئنیدن ایستی یئمک چیخاریلماغا باشلاندی.
تورک قیزیل آییندان وئریله‌ن آچیقلامادا، تورک قیزیل آیینین، قایناقلارین توکه‌نمه نقطه‌سینه گلدیگی غزه‌ده کؤمک ایشلرینه یئرلی پرسنل و کؤنوللولریله داوام ائتدیگی ایفاده ائدیلدی.
غزه ایچریسیندن تامین ائدیله‌ن غذا لوازیمینین فیلیسطین قیزیل آیی امکداشلیغییلا ایسرائیل سالدیریلارینین ضرر وئردیگی غزه خالقینا چاتدیریلدیغی بیلدیریله‌ن آچیقلامادا، "تورک قیزیل آیی، چاتیشمالارین آرتماسییلا خیدمت وئرمز حالا گلن مؤوجود آش‌ائوینی ده تکرار فعالیته گئچیردی. غزه‌ده اولان قیزیل آی آش‌ائوی، ایسرائیلین سالدیریلاریندا آلدیغی خسارتین آردیندان قیسماً تعمیر ائدیله‌رک یئنیدن ایستی یئمک چیخارماغا باشلادی. تورک قیزیل آیینین غزه ایچینده‌کی آش‌ائوی ایله هر گون ۵۰۰ عائله اوچون ایستی یئمک دستگی وئریلیر" بیلگیسی پایلاشیلدی.
آچیقلامادا، تورک قیزیل آیینین، غزه ایچینده‌کی یئرلی پرسنلی ایله ساواشدان ضرر چکمیش وطنداشلارا یئمک دستگی وئردیگی بیلدیریلدی.
تورک قیزیل آیینین، کؤمکلرین مصرین رفح سرحد قاپیسیندان گئچیشی اوچون ده تماسلارینا داوام ائتدیگی وورغولانان آچیقلامادا،
"تورکیه‌دن گؤندریله‌جک اوچاقلارلا بؤلگه‌یه عاجیل ساغلیق لوازیمی و ژنراتور دستگی ده تامین ائد‌جک اولان تورک قیزیل آیی، غزه ایچینده‌کی وطنداشلارین آرتان احتیاجینی، هم مصره چاتدیردیغی اینسانی کؤمک لوازیمی ایله هم ده بؤلگه‌دن تامین ائدجیی لوازیم ایله قارشیلایاجاق" بیلگیسینه یئر وئریلدی.
