عراق اوردوسو ایله پئشمرگه گوجلری آراسیندا چاتیشما
حادثه‌ده ۳ نفرین حیاتینی ایتیردیگی و ایکی طرفدن ۷ نفرین یارالاندیغی ایفاده ائدیله‌رک، باشباخانین حادثه‌نین آراشدیریلماسی اوچون اوست سویه بیر کومیته قورولماسی تاپشیریغینی وئردیگی قید ائدیلدی
2054611
عراقین موصول شهرینه باغلی مخمور ائلچه‌سینده، عراق اوردوسو و عراق کورد بؤلگه‌سل اداره‌سینه باغلی پئشمرگه گوجلری آراسیندا دونن چیخان چاتیشمادا ۳ نفر اؤلدو.
عراق خبر آژانسی اینانین وئردیگی خبره گؤره، عراق باشباخانی محمد شیاع السودانینین عسگری سؤزچوسو ژنرال یحیی رسول بو قونویا باغلی آچیقلاما وئردی.
آچیقلامادا، حادثه‌ده ۳ نفرین حیاتینی ایتیردیگی و ایکی طرفدن ۷ نفرین یارالاندیغی ایفاده ائدیله‌رک، باشباخانین حادثه‌نین آراشدیریلماسی اوچون اوست سویه بیر کومیته قورولماسی تاپشیریغینی وئردیگی قید ائدیلدی.
یئرلی مئدیادا یئر آلان خبرلرده، ۲ پئشمرگه‌نین اؤلدوگو و ایکی طرفدن ده چوخ ساییدا یارالی اولدوغو یازیلارکه‌ن، چاتیشمانین بؤلوجو ترور هؤرگوتو پ‌کاکانین مخموردا بوشالتدیغینی ادعا ائتدیگی مرکزلرین کنترلو سببی ایله یاشاندیغی ادعا ائدیلمیشدی.
