ایسرائیلین غزهیه سالدیریلاری داوام ائدیر
ایسرائیل، غزهده یئریندن ائدیلهن یوزلرجه فیلیسطینلینین سیغیندیغی قدیس پورفیریوس روم اورتودوکس کلیسهسینی هدف آلدی
ایسرائیل، غزه زولاغینا قارشی ۱۴.جو گونونه گیرهن سالدیریلاریندا یئنه بیر مسجید و کلیسهنی هدف آلدی.
غزهدهکی ایچ ایشلری باخانلیغینین تلگرام حسابیندان وئریلهن آچیقلامادا، ایسرائیل اوردوسونون غزه زولاغینین قوزئییندهکی جبالیه بؤلگهسینده هدف آلدیغی العمری مسجیدینین تامامیله ییخیلدیغی ایفاده ائدیلدی.
آچیقلامادا، سالدیریدا اؤلن یا دا یارالانان اولوب اولمادیغینا باغلی بیلگی وئریلمهدی.
باخانلیق، ایسرائیلین غزهده یئریندن ائدیلهن یوزلرجه فیلیسطینلینین سیغیندیغی قدیس پورفیریوس روم اورتودوکس کلیسهسینی ده هدف آلدیغینی بیلدیردی.
فیلیسطین رسمی آژانسی وفا، سالدیریدا آرالاریندا اوشاق و قادینلارین دا اولدوغو ان آز ۸ نفرین اؤلدویونو، اونلارجا اینسانین دا یارالاندیغینی بیلدیردی. اؤلو و یارالیلارین هله ییخینتی آلتیندا اولدوغو، قورتارما و عاجیل یاردیم قروپلارینین اونلارا چاتماغا چالیشدیغی ایفاده ائدیلدی.
سالدیریدا تاریخی کلیسهده جدی زیان میدانا گلیرکهن، کلیسهنین یاخینیندا اولان بیر بینا دا ییخیلدی.
فیلیسطین دؤولت باشقانلیغینا باغلی کلیسه ایشلری یوکسک کومیتهسینین باشقانی رمزی خوری، ایسرائیلین، غزه زولاغینداکیلرا قارشی "سویقیریم" پلانی تطبیق ائتدیگینی سؤیلهدی.
خوری، یاییملادیغی یازیلی آچیقلامادا، "ایسرائیلین غزهده تاریخی قدیس پورفیریوس روم اورتودوکس کلیسهسینی هدف آلماسی بیر ساواش سوچودور" ایفادهلرینه یئر وئرهرک بونلاری قید ائتدی:
"مسلمان و خریستیانلاردان عبارت اولان تخمیناً ۵۰۰ فیلیسطین وطنداشینین سیغیندیغی کلیسهنین هدف آلینماسی، ایسرائیل ایشغالینین آنا هدفلرینین اوشاقلار، قادینلار و یاشلیلار دا داخیل اولماق اوزره ساوونماسیز وطنداشلار اولدوغونو تصدیقلهییر".
کومیته، تاریخی قدیس پورقیریوس روم اورتودوکس کلیسهسینین دونیانین ان اسکی اوچونجو کلیسهسی اولدوغونو و اوریجینال تیکیمینین ۴۲۵ ایلینه دایاندیغینی بیلدیردی.
قدس روم اورتودوکس پاتریارکلیغی، ایسرائیلین غزه زولاغیندا یئریندن ائدیلهنلرین سیغیندیغی تاریخی کلیسهیه تشکیل ائتدیگی سالدیرینی قینادی.
ایسرائیل اوردوسو، غزه زولاغیندا وطنداشلارین اولدوغو ۶ ائوه ده هاوا سالدیریسی تشکیل ائتدی.
غزهدهکی ایچ ایشلری باخانلیغی، خان یونوس شهرینده وطنداشلارین یاشادیغی ۶ ائوه تشکیل ائدیلهن هاوا سالدیریلاریندا ۹ نفرین اؤلدویونو، ۶۰ نفرین ده یارالاندیغینی بیلدیریلدی.
فیلیسطین خبر آژانسی وفا ایسه، سالدیریدا چوخو اوشاق و قادین ان آز ۲۱ نفرین حیاتینی ایتیردیگینی، ۷۹ نفرین ده یارالاندیغینی ایفاده ائتدی.
حماسین عسگری قانادی قسام توغایلاری، ۷ اکتبر جمعهائرتهسی گونو اسرائیله "الاقصی توفانی" آدلی احاطهلی بیر سالدیری باشلاتدیغینی بیلدیرمیشدی. غزهدن اسرائیله مینلرجه راکت آتیلارکهن سلاحلی قروپلار دا بؤلگهدهکی یئرلهشیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزهیه دمیر قیلینجلار عملیاتی باشلاتدیغینی آچیقلامیشدی.
ایسرائیلین سالدیریلاریندا ۳ مین ۷۰۰دن چوخ فیلیسطینلی جان وئردی، ۱۲ میندن چوخ فیلیسطینلی ده یارالاندی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.