ایسرائیلدن قورو عملیاتی مئساژی
"بو آندا غزهنی اوزاقدان گؤرورسونوز. یاخیندا ایچریدن ده گؤرجکسینیز"
ایسرائیل باشباخانی بنیامین نتانیاهو و ساوونما باخانی یواف گالانت، ایسرائیل اوردوسونون محاصره آلتینداکی غزه زولاغینا قارشی قورو عملیاتینین یاخین اولدوغو مئساژی وئردی.
نتانیاهو، غزه سرحدی یاخینلاریندا اولان عسگرلرله بیر آرایا گلدی.
عسگرلرله گؤرونتوسونو ایکس سوسیال مئدیا حسابیندان پایلاشان نتانیاهو، مئساژینا "حاضیریق" ایفادهسینی علاوه ائتدی.
ایسرائیل ساوونما باخانی گالانت دا غزه سرحدیندهکی بیرلیکلره گئتدی.
بورادا ایسرائیل عسگرلرینه سسلنهن گالانت، "بو آندا غزهنی اوزاقدان گؤرورسونوز. یاخیندا ایچریدن ده گؤرجکسینیز" ایفادهلرینی ایشلتدی.
گالانت، لبنان سرحدینده حزب الله ایله یاشانان گرگینلیگه ده توخوناراق، "حزب الله ساواش باشلاتماق ایستییرسه، اؤنجه غزه شهرینین شکیللرینه باخمالیدیر" دئدی.
حماسین عسگری قانادی قسام توغایلاری، ۷ اکتبر جمعهائرتهسی گونو اسرائیله "الاقصی توفانی" آدلی احاطهلی بیر سالدیری باشلاتدیغینی بیلدیرمیشدی. غزهدن اسرائیله مینلرجه راکت آتیلارکهن سلاحلی قروپلار دا بؤلگهدهکی یئرلهشیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزهیه دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده هر ایکی طرفدن یوزلرجه جان ایتکیسی وار.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.