ایسرائیل: یاردیم گیریشینه اجازه وئریلمه‌یه‌جک
"بو آشامادا، غزه‌یه کؤمک گیریشی اولمایاجاغینی هر کسین بیلمه‌سینی ایسته‌ییرم. کؤمک گیریشلرینین واختی گلنده بونو آچیقلایاجاغیق"
ایسرائیل اوردوسو، حاضردا محاصره آلتینداکی غزه زولاغیندا کؤمک گیریشینه ایجازه وئریلمه‌یه‌جگینی آچیقلادی.
ایسرائیل اوردوسو سؤزچوسو دانیل هاگارینین تشکیل ائتدیگی مطبوعات کنفرانسی، ایسرائیل دؤولت تلویزیونو کان‌دا یایینلاندی.
هاگاری، "بو آشامادا، غزه‌یه کؤمک گیریشی اولمایاجاغینی هر کسین بیلمه‌سینی ایسته‌ییرم. غزه‌یه آچیلان سرحد قاپیلاری هله باغلی. بونونلا باغلی قرار، اداری سویه‌ده آلیناجاق و سونرا دا تطبیق اولوناجاق. کؤمک گیریشلرینین واختی گلنده بونو آچیقلایاجاغیق" دئدی.
ایسرائیلین قوزئیینده‌کی گرگینلیگه ده توخونان هاگاری، لبنانین گونئییندن ائدیلن آتیشین حزب الله‌ین تصدیقی و دستگی ایله گئرچکلشدیگینی و حزب الله‌ین بونون نتیجه‌لرینه قاتلاناجاغینی سؤیله‌دی.
هاگاری آیریجا، یوزو آشان ایسرائیللینین ایتکین اولدوغونو و عائله‌لرینه بو قونودا بیلگی وئریلدیگینی بیلدیردی.
حماسین عسگری قانادی قسام توغایلاری، ۷ اکتبر جمعه‌ائرته‌سی گونو اسرائیله "الاقصی توفانی" آدلی احاطه‌لی بیر سالدیری باشلاتدیغینی بیلدیرمیشدی. غزه‌دن اسرائیله مینلرجه راکت آتیلارکه‌ن سلاحلی قروپلار دا بؤلگه‌ده‌کی یئرله‌شیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزه‌یه دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده هر ایکی طرفدن یوزلرجه جان ایتکیسی وار.
